(vovworld) – ຕອນເຊົ້າວັນທີ 01/04, ຢູ່ຮ່າໂນ້ຍ, ພົນໂທ ຫງວຽນຈິ໋ວິ້ງ, ລັດຖະມົນຕີຊ່ວຍວ່າການກະຊວງປ້ອງກັນປະເທດ ໄດ້ມອບໜ້າທີ່ໃຫ້ພະນັກງານໄປປະຕິບັດໜ້າທີ່ຮັກສາສັນຕິພາບສະຫະປະຊາຊາດ ຢູ່ສ.ອາຟະລິກາກາງ. ກ່າວຄຳເຫັນທີ່ພິທີມອບໜ້າທີ່, ພົນໂທ ຫງວຽນຈິ໋ວິ້ງ ຮຽກຮ້ອງໃຫ້ບັນດານາຍທະຫານທີ່ເຂົ້າຮ່ວມກຳລັງຮັກສາສັນຕິພາບສະຫະປະຊາຊາດຢູ່ສ.ອາຟະລິກາກາງ ຈົ່ງຮັບຮູ້ໄດ້ວ່າ ນີ້ແມ່ນໜ້າທີ່ຮັບຜິດຊອບ, ແມ່ນສັນຍາລັກຂອງປະເທດຊາດໃນວິວັດທະນາການເຊື່ອມໂຍງເຂົ້າກັບສາກົນ, ພ້ອມທັງນີ້ກໍ່ແມ່ນໜ້າທີ່ປົກປັກຮັກສາປະເທດຊາດໃນໄລຍະສັນຕິພາບ. ຄຽງຂ້າງເລື່ອງປະຕິບັດຢ່າງເຂັ້ມງວດ ແລະ ຖືກຕ້ອງຄວາມຮຽກຮ້ອງຂອງຄະນະຜູ້ແທນສະຫະປະຊາຊາດຢູ່ສ.ອາຟະລິກາກາງ, ບັນດານາຍທະຫານຫວຽດນາມ ຕ້ອງຍົກສູງນ້ຳໃຈສາມັກຄີ, ຮໍ່າຮຽນດ້ວຍຕົນເອງ ແລະ ຮັກສາຫຼັກການໃນວິວັດການປະຕິບັດໜ້າທີ່.
ພະນັກງານ 3 ຄົນທີ່ໄດ້ຮັບເລືອກເຂົ້າຮ່ວມກຳລັງຮັກສາສັນຕິພາບສະຫະປະຊາຊາດຢູ່ທີ່ຄະນະຜູ້ແທນ.ສ.ອາຟະລິກາກາງໃນຄັ້ງນີ້ລວມມີ: ພັນຕີ ຫງວຽນຊວນແທ່ງ, ພັນຈັດຕະວາ ຫວູວັນຮ້ຽບ ແລະ ຮ້ອຍເອກ ຮ່ວາງຈຸງກຽນ.