ການນຳແນວໂຮມປະເທດຊາດຫວຽດນາມຕ້ອນຮັບຄະນະຜູ້ແທນສະພາປຶກສາການເມືອງນະຄອນຊຽງໄຮ,ປະເທດຈີນ
(vovworld) – ວັນທີ 21/2, ຢູ່ຮ່າໂນ້ຍ, ຄະນະຜູ້ແທນສະພາປຶກສາການເມືອງນະຄອນ ຊຽງໄຮ, ຈີນ ໂດຍທ່ານ ຈື໋ອີບົວ, ຮອງປະທານສະພາປຶກສາການເມືອງ ນະຄອນ ຊຽງໄຮ, ເປັນຫົວໜ້າຄະນະ, ໄດ້ມາຢ້ຽມຢາມ ແລະ ເຮັດວຽກກັບຄະນະກຳມະການສູນກາງແນວໂຮມປະເທດຊາດ ຫວຽດນາມ. ທ່ານນາງຮອງປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ ບູ່ຍທິແທງ ໄດ້ຕ້ອນຮັບຄະນະ. ທີ່ການຕ້ອນຮັບ, ທ່ານນາງຮອງປະທານ ບູ່ຍທິແທງ ເນັ້ນໜັກວ່າ: ເລື່ອງຜັນຂະຫຍາຍການປະຕິບັດບົດບັນທຶກຊ່ວຍຈຳ “ແຜນການຮ່ວມມືລະຫວ່າງຄະນະກຳມະການສູນກາງແນວໂຮມປະເທດຊາດ ຫວຽດນາມ ແລະ ຄະນະກຳມະການທົ່ວປະເທດສະພາປຶກສາການເມືອງ ຈີນ ໄລຍະ 2014 - 2019” ໂດຍ 2 ຝ່າຍຜັຂະຫຍາຍຢ່າງຕັ້ງໜ້າ, ພິເສດ, ຜ່ານບັນດາການຢ້ຽມຢາມມິດຕະພາບ, 2 ຝ່າຍໄດ້ແຈ້ງໃຫ້ກັນຊາບກ່ຽວກັບສະພາບການເສດຖະກິດ - ສັງຄົມຂອງແຕ່ລະປະເທດ.
ສ່ວນທ່ານຮອງປະທານສະພາປຶກສາການເມືອງ ນະຄອນ ຊຽງໄຮ ຈື໋ອີບົວ ປາດຖະໜາວ່າ, ໄລຍະຈະມາເຖິງ, 2 ຝ່າຍສືບຕໍ່ມີແຜນການໄລຍະຍາວໃນການພົວພັນແລກປ່ຽນວັດທະນະທຳລະຫວ່າງ 2 ປະເທດ, ຈາກນັ້ນ, ປັບປຸງການພົວພັນຢ່າງທີ່ສະໜິດແໜ້ນລະຫວ່າງ ຫວຽດນາມ - ຈີນ.