ສະຖານທີ່ເກີດເຫດຢູ່ປັດຕານີ
|
(vovworld) - ຕອນຄ່ຳວັນທີ 19/4, ຢູ່ 3 ແຂວງພາກໃຕ້ຂອງ ໄທ, ນັ້ນແມ່ນ ປັດຕານີ, ນາຣາທິວັດ, ສົງຂາ ໄດ້ເກີດການບຸກໂຈມຕີ 13 ຄັ້ງຢ່າງລຽນຕິດ, ດ້ວຍຕົວການທີ່ໄດ້ຮັບຖືວ່າແມ່ນບັນດາພາກສ່ວນອິດສະລາມແຍກຕົວ. ກອງບັນຊາການບັນດາບັ້ນຮົບປ້ອງກັນຄວາມສະຫງົບພາຍໃນປະເທດໄທ ໃຫ້ຮູ້ວ່າ: ນີ້ແມ່ນບັນດາການຖິ້ມລະເບີດໝາກແຕກກໍ່ຄວາມລົ້ມຫາຍຕາຍຈາກ, ໃນນັ້ນເປັນໜ້າສົນໃຈແມ່ນມີບາງການບຸກໂຈມຕີເຂົ້າປ້ອມຕຳຫຼວດ, ກົມກອງພິເສດ ແລະ ຖານທີ່ໝັ້ນການທະຫານທ້ອງຖິ່ນ. ກ່ອນໜ້ານັ້ນ, ໃນວັນທີ 6 – 7/4, ຢູ່ພາກໃຕ້ ໄທ, ໄດ້ມີການວາງລະເບີດ ແລະ ທຳລາຍທີ່ມີການຈັດຕັ້ງ 31 ຄັ້ງເກີດຂຶ້ນພາຍຫຼັງລັດຖະທຳມະນູນສະບັບໃໝ່ໄດ້ຮັບການຮັບຮອງເອົາຈາກພະບາດສົມເດັດພະເຈົ້າມະຫາຊີວິດ ໄທ ມະຫາ ວະຈີຣາລົງກອນ . ບັນດາເຫດບຸກໂຈມຕີເກີດຂຶ້ນໃນສະພາບການບັນດາກຳລັງທະຫານແຕກທັບ ອິດສະລາມ ປະກາດຍູ້ແຮງການເຄື່ອນໄຫວຫວ່າງມໍ່ໆມານີ້ ເພື່ອມຸ່ງໄປເຖິງບັນດາເປົ້າໝາຍປະກາດເອກະລາດ ພ້ອມທັງປະຕິເສດແຜນການສ້າງຕັ້ງເຂດປອດໄພເຊິ່ງອຳນາດການປົກຄອງສູນກາງ ບາງກອກ ຫາກໍ່ປະກາດຢູ່ບັນດາແຂວງ ພາກໃຕ້.