ທ່ານນາຍົກລັດຖະມົນຕີ ຫງວຽນຊວນຟຸກ

ດ້ວຍຫົວຂໍ້ວ່າ “ສ້າງ ແລະ ພັດມະນາເປັນພື້ນຖານຜະລິດອຸດສາຫະກຳສະຫລາດໃນອະນາຄົດຮູບປະທຳ”. ກ່າວຄຳເຫັນທີ່ກອງປະຊຸມສຳມະນາ, ທ່ານນາຍົກລັດຖະມົນຕີ ຊີ້ແຈ້ງວ່າ: ການປະຕິວັດອຸດສາຫະກຳ 4.0 ແມ່ນໂອກາດປະຕິບັດຄວາມມຸ່ງຫວັງວັດທະນາຖາວອນຂອງຊາດ, ພວກເຮົາບໍ່ອາດພາດໂອກາດນີ້ ແລະ ຄວນເປັນເຈົ້າການກຳແໜ້ນໂອກາດ. ທ່ານນາຍົກລັດຖະມົນຕີ ຫງວຽນຊວນຟຸກ ຊີ້ແຈ້ງວ່າ:

        “ສຸມໃສ່ສ້າງສຳເລັດລະບອບລະບຽບການ, ກົນໄກ, ນະໂບບາຍ, ກົດໝາຍໃຫ້ການພັດທະນາພື້ນຖານເສດຖະກິດດີຈີຕອນ, ອຸດສາຫະກຳສະຫລາດ. ສ້າງຍຸດທະສາດສັງລວມກ່ຽວກັບການຫັນປ່ຽນດີຈີຕອນ ແລະ ພື້ນຖານຂໍ້ມູນລະດັບຊາດ ເປັນພື້ນຖານໃຫ້ການສ້າງຍຸດທະສາດ, ແຜນການຫັນປ່ຽນດີຈີຕອນໃນແຕ່ລະຂະແໜງ, ແຕ່ລະຂົງເຂດ. ສຸມໃສ່ລົງທຶນຫັນເປັນທັນສະໄໝຢ່າງຄົບຊຸດ, ເຊື່ອມຕໍ່ລະຫວ່າງລະບົບພື້ນຖານໂຄງລ່າງຂໍ້ມູນຂ່າວສານລະດັບຊາດ, ລວມມີ: ໂຄງລ່າງໂທລະຄົມມະນາຄົມ, ໂຄງລ່າງຂໍ້ມູນ, ໂຄງລ່າງຂໍ້ມູນຂ່າວສານ ແລະ ໂຄງລ່າງພູມປັນຍາ”.

ການປະຕິວັດອຸດສາຫະກຳ 4.0 ແມ່ນໂອກາດປະຕິບັດຄວາມມຸ່ງຫວັງວັດທະນະຖາວອນຂອງຊາດ

        ພ້ອມກັນນັ້ນ, ທ່ານນາຍົກລັດຖະມົນຕີກໍ່ຖືວ່າ: ຄວນພັດທະນາແຫຼ່ງຊັບພະຍາກອນມະນຸດຢ່າງວ່ອງໄວ ຕອບສະໜອງຄວາມຮຽກຮ້ອງຕ້ອງການກໍ່ສ້າງພື້ນຖານເສດຖະກິດດີຈີຕອນ. ບັນດາວິສາຫະກິດຕ້ອງມີວິໄສທັດ, ຄວາມໄຝ່ຝັນອອກສູ່ຕ່າງປະເທດ, ເຮັດໃຫ້ຜະລິດຕະພັນ ແລະ ການບໍລິການ “Made in Viet Nam” ມີທີ່ຕັ້ງສຳຄັນຢູ່ຕະຫລາດພາຍໃນປະເທດ ແລະ ສາກົນ.