ການພົບປະສົນທະນາກ່ຽວກັບບົດບາດຊີ້ນຳນຳພາຂອງແມ່ຍິງໃນການດຳເນີນທຸລະກິດ
ທ່ານນາງຟ້າມຈີລານ, ຜູ້ຊ່ຽວຊານດ້ານເສດຖະກິດ
ພາບ:ອິນເຕີນແນັດ
|
(vovworld) - ຕອນບ່າຍວັນທີ 15/4 ຢູ່ ຮ່າໂນ້ຍ, ຫ້ອງການການຄ້າ ແລະ ອຸດສາຫະກຳຫວຽດນາມ ໄດ້ຈັດຕັ້ງການພົບປະສົນທະນາທີ່ມີຫົວຂໍ້ວ່າ: “ການຊີ້ນຳນຳພາຂອງແມ່ຍິງໃນການດຳເນີນທຸລະກິດ:ການບືນຕົວຂຶ້ນຂອງບັນດາແມ່ຍິງ ຊື່ງແມ່ນຜູ້ອຳນວຍການໃຫຍ່ບໍລິສັດ (Chief Executive Officer ຫລື CEO ) ຫວຽດນາມ.” ຕາມການສຳຫລວດຫວ່າງແລ້ວນີ້ຂອງຫ້ອງການການຄ້າ ແລະ ອຸດສາຫະກຳຫວຽດນາມແລ້ວ: ອັດຕາສ່ວນນັກທຸລະກິດຍິງບໍລິຫານວິສາຫະກິດພວມເພີ່ມຂຶ້ນໃນລະດັບສູງກວ່າເມື່ອທຽບໃສ່ເພດຊາຍ. ລະອຽດແມ່ນ: ແມ່ຍິງກວມ 52%, ໃນຂະນະທີ່ເພດຊາຍກວມພຽງ 49% ແລະ ພິເສດ ໃນໄລຍະມໍ່ໆມານີ້ ຍ້ອນແມ່ຍິງ ຍາມໃດກໍສົນໃຈເຖິງບັນດາຄວາມສ່ຽງໃນຕໍ່ຫນ້າ ສະນັ້ນ ໄດ້ມີບັນດາທິດທາງເໝາະສົມ, ຮັກສາການເຄື່ອນໄຫວດຳເນີນທຸລະກິດແບບຍືນຍົງກວ່າເມື່ອທຽບໃສ່ເພດຊາຍ. ເຖິງຢ່າງໃດກໍຕາມ, ນັກທຸລະກິດຍິງ ປະຈຸບັນຍັງປະເຊີນຫນ້າກັບບັນດາຮົ້ວກີດຂວາງກ່ຽວກັບທາງເພດໃນການເລີ່ມກໍ່ຮ່າງສ້າງຕົວ ແລະ ພັດທະນາວິສາຫະກິດ. ເພ່ືອແກ້ໄຂບັນດາຮົ້ວກີດຂວາງ, ສະກັດກັ້ນແມ່ຍິງໃນການດຳເນີນທຸລະກິດ, ບັນດາຜູ້ແທນຖືວ່າ: ຄວາມສະເຫມີພາບລະຫວ່າງ ຍິງຊາຍ ແມ່ນເງື່ອນໄຂທີ່ດີເພື່ອຊຸກຍູ້ວິວັດການຊີ້ນຳຂອງແມ່ຍິງ. ທ່ານນາງ ຟ້າມຈີລານ, ຜູ້ຊ່ຽວຊານດ້ານເສດຖະກິດ ຖືວ່າ:
“ໃນໄລຍະຈະມາເຖິງ, ພວກເຮົາສືບຕໍ່ປະຕິຮູບບັນດາລະບອບນະໂຍບາຍຢູ່ປະເທດເຮົາ. ຂ້າພະເຈົ້າຄິດວ່າ ລະບອບນະໂຍບາຍຕ້ອງມີຄວາມໂປ່ງໃສ, ເປີດເຜີຍ, ສ້າງຄວາມສະເຫມີພາບລະຫວ່າງຍິງຊາຍໃຫ້ແກ່ທຸກຄົນ. ແມ່ຍິງ ຕ້ອງການມີບັນດາກາລະໂອກາດນັ້ນ ເພື່ອມີຄວາມສະເຫມີພາບຄືເພດຊາຍ ຈາກນັ້ນບືນຕົວຂຶ້ນດ້ວຍຄວາມມານະພະຍາຍາມ ແລະ ຄວາມເກັ່ງກ້າສາມາດຂອງຕົນ ແລະ ຮອດເວລານັ້ນ ທຸກຄົນຈະຮັບຮູ້.”