ການພົວພັນຕ່າງປະເທດຢູ່ທ້ອງຖິ່ນປະສົບຜົນສຳເລັດໃນປີ 2014
(ທ່ານລັດຖະມົນຕີວ່າການກະຊວງການຕ່າງປະເທດຫວຽດນາມ ໂຮ່ຊວນເຊີນ)
(vovworld) – ຕອນເຊົ້າວັນທີ 27/01, ຢູ່ຮ່າໂນ້ຍ, ກະຊວງການຕ່າງປະເທດຫວຽດນາມ ໄດ້ຈັດຕັ້ງກອງປະຊຸມມອບໜ້າທີ່ຜ່ານເຄືອຂ່າຍອີນເຕີແນດ ກ່ຽວກັບວຽກງານການພົວພັນຕ່າງປະເທດຢູ່ບັນດາທ້ອງຖິ່ນ, ເພື່ອແນໃສ່ຕີລາຄາໝາກຜົນການເຄື່ອນໄຫວພົວພັນຕ່າງປະເທດຢູ່ທ້ອງຖິ່ນໃນປີ 2014 ແລະ ຜັນຂະຫຍາຍການເຄື່ອນໄຫວພົວພັນຕ່າງປະເທດສຳຄັນຂອງປະເທດຊາດໃນປີ 2015. ປີ 2014, ວຽກງານການຕ່າງປະເທດບັນລຸໄດ້ບັນດາຜົນງານທີ່ໃຫຍ່ຫຼວງ, ປະກອບສ່ວນສຳຄັນເຂົ້າໃນການຮັກສາໄດ້ສະພາບແວດລ້ອມແຫ່ງສັນຕິພາບ, ສະຖຽນລະພາບ, ເອກະລາດ, ອະທິປະໄຕ ແລະ ຜືນແຜ່ນດິນອັນຄົບຖ້ວນ. ຫວຽດນາມ ກໍ່ຍາດແຍ່ງແຫຼ່ງກຳລັງພາຍນອກເພື່ອພັດທະນາປະເທດຊາດ, ນຳການພົວພັນລະຫວ່າງຫວຽດນາມ ແລະ ບັນດາຄູ່ຮ່ວມມືໃຫ້ນັບມື້ນັບເຂົ້າສູ່ລວງເລິກ ແລະ ມີປະສິດທິຜົນ. ບັນດາຜົນສຳເລັດດັ່ງກ່າວໄດ້ມີການປະກອບສ່ວນບໍ່ໜ້ອຍຂອງການເຄື່ອນໄຫວພົວພັນການຕ່າງປະເທດຢູ່ບັນດາທ້ອງຖິ່ນ. ທ່ານລັດຖະມົນຕີວ່າການກະຊວງການຕ່າງປະເທດຫວຽດນາມ ໂຮ່ຊວນເຊີນ ໃຫ້ຮູ້ວ່າ, ໃນປີ 2015, ບັນດາທ້ອງຖິ່ນຕ້ອງເອົາໃຈໃສ່ເຖິງຄາດໝາຍຕົ້ນຕໍ່ຂອງວຽກງານພົວພັນການຕ່າງປະເທດ. ທ່ານກ່າວວ່າ.
“ໃນບັນຫາສາກົນ, ພວກເຮົາຕ້ອງເອົາໃຈໃສ່ຊຸກຍູ້ເສດຖະກິດການຕ່າງປະເທດ, ລວມທັງການລົງທຶນໂດຍກົງຈາກຕ່າງປະເທດ ຫຼື ສົ່ງເສີມການຄ້າ, ການທ່ອງທ່ຽວ, ການສະໜັບສະໜູນຂອງບັນດາອົງການບໍ່ຂຶ້ນກັບລັດຖະບານ, ຍາດແຍ່ງແຫຼ່ງກຳລັງຂອງພໍ່ແມ່ປະຊາຊົນຊາວຫວຽດນາມ ອາໄສຢູ່ຕ່າງປະເທດ. ມີພາກສ່ວນໜຶ່ງທີ່ປະກອບສ່ວນສຳຄັນບໍ່ແມ່ນໜ້ອຍນັ້ນແມ່ນ ບັນຫາພາຍໃນ, ລວມທັງການກໍ່ສ້າງກົງຈັດລັດ, ຍົກສູງຄຸນນະພາບພະນັກງານ, ສົມທົບກັນປະຕິບັດລະຫວ່າງພະແນກພົວພັນກັນຕ່າງປະເທດ ແລະ ບັນດາພະແນກ, ຫົວໜ່ວຍ, ລະຫວ່າງພະແນກພົວພັນກັບຕ່າງປະເທດ ກັບກະຊວງການຕ່າງປະເທດ ແລະ ອົງການສູນກາງທີ່ກ່ຽວຂ້ອງ”.