ການຢ້ຽມຢາມເຢຍລະມັນຂອງປະທານປະເທດເຈືອງເຕີນຊາງມີຄວາມໝາຍສຳຄັນສຳລັບການພົວພັນສອງຝ່າຍ
ທ່ານນາງນາຍົກລັດຖະມົນຕີ ເຢຍລະມັນ Angela Merkel
ຕ້ອນຮັບທ່ານປະທານປະເທດ ເຈືອງເຕີນຊາງ
|
(vovworld)- ການຢ້ຽມຢາມເຢຍລະມັນຂອງທ່ານປະເທດປະເທດຫວຽດນາມ ເຈືອງເຕີນຊາງ ກາຍເປັນຫົວເລື່ອງທີ່ໄດ້ຄວາມສົນໃຈຈາກບັນດາຫນັງສືພິມໃຫຍ່ຂອງປະເທດນີ້. ຫນັງສືພິມ Neues Deutschland ຂອງເຢຍລະມັນ ສະບັບອອກວັນທີ 24/11 ໄດ້ລົງພິມໃນຫນ້າທຳອິດບົດຂຽນ ຕີລາຄາການຢ້ຽມຢາມຂອງທ່ານປະທານປະເທດເຈືອງເຕີນຊາງ ແມ່ນເຫດການສຳຄັນໃນປີ 2015. ຕາມບົດຂຽນດັ່ງກ່າວແລ້ວ, ປະຈຸບັນ ເຢຍລະມັນຖືຫວຽດນາມ ແມ່ນຫນຶ່ງໃນບັນດາພື້ນຖານເສດຖະກິດຂະຫຍັນຂັນເຄື່ອນ ແລະ ສະຫນິດສະຫນົມກັບນັກລົງທຶນກວ່າໝູ່ ຢູ່ ພາກພື້ນ ອາຊີຕາເວັນອອກສ່ຽງໃຕ້ ພ້ອມທັງຕີລາຄາສູງຜົນງານແຫ່ງການພັດທະນາທາງດ້ານເສດຖະກິດຂອງຫວຽດນາມໃນໄລຍະຜ່ານມາ. ໃນຂະນະນັ້ນ ຫນັງສືພິມ Tagesspiegel ສະບັບອອກວັນທີ 25/11 ກໍໄດ້ລົງພິມບົດຂຽນກ່ຽວກັບການຢ້ຽມຢາມເຢຍລະມັນຂອງທ່ານປະທານປະເທດ ເຈືອງເຕີນຊາງ. ຕາມບົດຂຽນດັ່ງກ່າວແລ້ວ, ເຢຍລະມັນຖືຫວຽດນາມ ແມ່ນຄູ່ຮ່ວມມືສຳຄັນຕົ້ນຕໍຂອງ ເຢຍລະມັນຢູ່ ອາຊີຕາເວັນອອກສ່ຽງໃຕ້. ນອກນັ້ນ ຍັງມີອົງການສື່ມວນຊົນ ເຢຍລະມັນຫລາຍແຫ່ງກໍໄດ້ລົງພິມຂ່າວ, ບົດ ສອ່ງແສງກ່ຽວກັບຄວາມໝາຍສຳຄັນຂອງການຢ້ຽມຢາມເຢຍລະມັນເປັນຄັ້ງທຳອິດຂອງທ່ານປະທານປະເທດຫວຽດນາມ ເຈືອງເຕີນຊາງ.