ວັນທີ 17 ມິຖຸນາ, ເຈົ້າໜ້າທີ່ລັດຖະບານ ການາດາ ໃຫ້ຮູ້ວ່າ: ທ່ານ Francois – Philippe Champagne, ລັດຖະມົນຕີກະຊວງການຄ້າ ໄດ້ສະເໜີຕໍ່ສະພາແຫ່ງຊາດສະຫະລັດ ກ່ຽວກັບຮ່າງກົດໝາຍການໃຫ້ສັດຕະຍາບັນສັນຍາຄູ່ຮ່ວມມືຮອບດ້ານ ແລະ ກ້າວໜ້າຂ້າມ ປາຊີຟິກ (CPTPP) - ແບບສະບັບໃໝ່ເຊິ່ງກ່ອນນີ້ແມ່ນສັນຍາຄູ່ຮ່ວມມືຂ້າມປາຊີຟິກ (TPP) ພາຍຫຼັງທີ່ ອາເມລິກາ ຖອນຕົວອອກຈາກສັນຍານີ້. ໃນການສະເໜີຕໍ່ສະພາແຫ່ງຊາດ, ທ່ານ Champagne ເນັ້ນໜັກວ່າ: CPTPP ແມ່ນສັນຍາການຄ້າສຳຄັນທີ່ສຸດຂອງ ການາດາ ຖັດຈາກສັນຍາການຄ້າເສລີ ອາເມລິກາ ເໜືອ (NAFTA). ພ້ອມກັບສັນຍາ NAFTA ແລະ ສັນຍາເສດຖະກິດ ແລະ ການຄ້າຮອບດ້ານກັບສະຫະພາບເອີລົບ (CETA), CPTPP ຈະເຮັດໃຫ້ ການາດາ ກາຍເປັນປະເທດໜຶ່ງດຽວຂອງກຸ່ມບັນດາປະເທດອຸດສາຫະກຳພັດທະນາແຖວໜ້າຂອງໂລກ (G7) ທີ່ມີບັນດາຂໍ້ຕົກລົງການຄ້າເສລີ ຢູ່ທັງທະວີບ ອາເມລິກາ, ເອີລົບ ແລະ ອາຊີ.