ການເຄື່ອນໄຫວຂອງທ່ານປະທານປະເທດເຈືອງເຕີນຊາງຢູ່ລາວ
(ທ່ານປະທານປະເທດ ເຈືອງເຕີນຊາງ ທ່ານເລຂາທິການໃຫຍ່,
ປະເທດປະເທດສປປ.ລາວ ຈູມມາລີ ໄຊຍະສອນ)
(vovworld) - ວັນທີ 30/05, ທ່ານປະທານປະເທດຫວຽດນາມ ເຈືອງເຕີນຊາງ ໄດ້ມີການພົບປະກັບທ່ານເລຂາທິການໃຫຍ່, ປະເທດປະເທດສປປ.ລາວ ຈູມມາລີ ໄຊຍະສອນ ແລະ ທ່ານອະດີດປະທານປະເທດ, ປະທານພັກປະຊາຊົນປະຕິວັດລາວ ຄຳໄຕ ສີພັນດອນ.
ທີ່ບັນດາການພົບປະແລກປ່ຽນກັບທ່ານເລຂາທິການໃຫຍ່, ປະທານປະເທດລາວ ຈູມມາລີ ໄຊຍະສອນ ແລະ ອະດີດປະເທດປະເທດ, ປະທານພັກປະຊາຊົນປະຕິວັດລາວ ຄຳໄຕ ສີພັນດອນ. ການນຳ 2 ປະເທດໄດ້ເຫັນດີສືບຕໍ່ຜັນຂະຫຍາຍບັນດາຂໍ້ຕົກລົງຂັ້ນສູງ ແລະ ໝາກຜົນຂອງກອງປະຊຸມຄັ້ງທີ 37 ຄະນະກຳມາທິການລະຫວ່າງລັດຖະບານຫວຽດນາມ - ລາວ; ໃນນັ້ນມີເລື່ອງເພີ່ມທະວີການແລກປ່ຽນຄະນະຜູ້ແທນ ແລະ ການພົບປະຂັ້ນສູງ; ສົມທົບກັນຢ່າງແໜ້ນແຟ້ນເພື່ອຍົກສູງບັນດາໂຄງການນຳໃຊ້ແຫຼ່ງທຶນຊ່ວຍເຫຼືອຂອງຫວຽດນາມ ທີ່ສະຫງວນໃຫ້ລາວໃນປີ 2015, ລົງນາມໃນບົດບັນທຶກຊ່ວຍຈຳກ່ຽວກັບການເຊື່ອມຕໍ່ທາງຄົມມະນາຄົມຂົນສົ່ງລະຫວ່າງ 2 ປະເທດ ແລະ ສັນຍາຄ້າຂາຍສິນຄ້າ ແລະ ການບໍລິການຊາຍແດນ…
2 ຝ່າຍກໍ່ແລກປ່ຽນຄຳເຫັນກ່ຽວກັບບາງບັນຫາສາກົນ ແລະ ພາກພື້ນທີ່ພົ້ນເດັ່ນເຊິ່ງ ຕ່າງຝ່າຍຕ່າງມີຄວາມສົນໃຈ, ໃນນັ້ນມີບັນຫາທະເລຕາເວັນອອກ; ສະແດງຄວາມພຶງພໍໃຈກ່ຽວກັບການຮ່ວມມືອັນດີງາມລະຫວ່າງ 2 ປະເທດ ທີ່ເວທີປາໄສພາກພື້ນ ແລະ ສາກົນ; ເຫັນດີເພີ່ມທະວີການຮ່ວມມືກັບບັນດາປະເທດສະມາຊິກອື່ນໃນອາຊຽນ ເພື່ອກໍ່ສ້າງປະຊາຄົນອາຊຽນໃນທ້າຍປີ 2015. ທ່ານປະທານປະເທດ ເຈືອງເຕີນຊາງ ຢືນຢັນວ່າ, ຫວຽດນາມ ຈະສະໜັບສະໜູນລາວ ຮັບໜ້າທີ່ເປັນປະທານອາຊຽນ ໃນປີ 2016 ໃຫ້ສຳເລັດ.