ການເຄື່ອນໄຫວຂອງທ່ານຮອງນາຍົກລັດຖະມົນຕີຫວຽດນາມ ຝ້າມບິນມິນ ຢູ່ລາວ
ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດຫວຽດນາມ ຝ້າມບິນມິນ ພົບປະກັບລັດຖະມົນຕີການຕ່າງປະເທດລາວ ສະເຫຼີມໄຊ ກົມມະສິດ |
(vovworld)- ໃນຂອບເຂດການເຂົ້າຮ່ວມກອງປະຊຸມລັດຖະມົນຕີການຕ່າງປະເທດອາຊຽນ ຄັ້ງທີ 49 ແລະ ບັນດາກອງປະຊຸມປີນອ້ອມທີ່ຈັດຂຶ້ນຢູ່ນະຄອນຫຼວງວຽງຈັນແຕ່ວັນທີ 23-26/7, ຕອນບ່າຍວັນທີ 23/7, ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດຫວຽດນາມ ຝ້າມບິນມິນ ໄດ້ມີການພົບປະກັບລັດຖະມົນຕີການຕ່າງປະເທດລາວ ສະເຫຼີມໄຊ ກົມມະສິດ, 2 ຝ່າຍໄດ້ເຫັນດີສືບຕໍ່ຊີ້ນຳກະຊວງການຕ່າງປະເທດຂອງ 2 ປະເທດ ປະຕິບັດບັນດາຂໍ້ຕົກລົງທີ່ໄດ້ບັນລຸໄດ້ໃນຂອບເຂດການຢ້ຽມຢາມຂອງຜູ້ນຳຂັ້ນສູງຂອງ 2 ປະເທດຢ່າງມີປະສິດທິຜົນ. 2 ຝ່າຍເຫັນດີຈະສົມທົບກັນຈັດຕັ້ງບັນດາການເຄື່ອນໄຫວສະເຫຼີມສະຫຼອງ 55 ປີ ແຫ່ງວັນສ້າງຕັ້ງສາຍພົວພັນທາງການທູດ ແລະ 40 ປີແຫ່ງວັນເຊັນສັນທິສັນຍາມິດຕະພາບ ແລະ ການຮ່ວມມືຫວຽດນາມ-ລາວໃນປີ 2017 ຢ່າງສຳເລັດຜົນ. ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດຫວຽດນາມ ຝ້າມບິນມິນ ຢືນຢັນວ່າ ຫວຽດນາມສະໜັບສະໜູນລາວເຮັດສຳເລັດບົດບາດເປັນປະທານອາຊຽນ ແລະ ຖືວ່າ ຜົນສຳເລັດຂອງລາວ ກໍແມ່ນຜົນສຳເລັດຂອງອາຊຽນ ແລະ ຫວຽດນາມ.
ແລະ ກໍໃນຕອນບ່າຍຂອງວັນດຽວກັນ, ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດຫວຽດນາມ ຝ້າມບິນມິນ ກໍໄດ້ມີການພົບປະກັບລັດຖະມົນຕີການຕ່າງປະເທດ ແລະ ການຄ້າ ບຣູໄນ ແລະ ທີ່ປຶກສາຂອງລັດ, ລັດຖະມົນຕີການຕ່າງປະເທດ, ລັດຖະມົນຕີປະຈຳທຳນຽບປະທານາທິບໍດີ ມຽນມາ.