(vovworld) - ໃນລະຫວ່າງວັນທີ 19 - 20/04, ຢູ່ນະຄອນ ດ້ຽນບຽນຝູ, ພະແນກວັດທະນະທຳ, ກິລາ ແລະ ທ່ອງທ່ຽວຮ່າໂນ້ຍ ໄດ້ສົມທົບກັບພະແນກວັດທະນະທຳ, ກິລາ ແລະ ທ່ອງທ່ຽວແຂວງ ດ້ຽນບຽນ ຈັດຕັ້ງ “ຊຸມວັນວັດທະນະທຳ, ກິລາ ແລະ ທ່ອງທ່ຽວຮ່າໂນ້ຍ ຢູ່ດ້ຽນບຽນ”. ໃນຂອບເຂດງານບຸນ ໄດ້ດຳເນີນການເດີນສວນສະໜາມ ຕາມຖະໜົນໃສ່ຊື່ ຫວໍງວຽນຢາບ ດ້ວຍການເຂົ້າຮ່ວມຂອງນັກສະແດງຂຶ້ນກັບຄະນະ ສິລະປະສູນກາງ, ນັກສຶກສາໃນບໍລິເວນແຂວງກວ່າ 300 ຄົນ. ທີ່ງານບຸນຍັງຈັດງານວາງສະແດງຮູບຖ່າຍ 120 ແຜ່ນ, ຍ້ອງຍໍໄຊຊະນະດ້ຽນບຽນຝູ, ຍ້ອງຍໍຄວາມງາມຂອງທຳມະຊາດ, ໃນການອອກແຮງງານທຳການຜະລິດ, ມະນຸດ ແລະ ຄວາມສາມັກຄີລະຫວ່າງນະຄອນຮ່າໂນ້ຍ ແລະ ແຂວງດ້ຽນບຽນ. ໃນພິທີອັດເຊິ່ງຈັດຂຶ້ນຄໍ່າຄືນວັນທີ 20/04, ມີລາຍການສິລະປະທີ່ເປັນມູນເຊື້ອ “ດ້ຽນບຽນຝູ - ຮ່າໂນ້ຍ 60 ປີໄລຍະທາງໜຶ່ງດຽວ” ດ້ວຍຫົວຂໍ້ “ດອກສ້ຽວເງິນສີຂາວ”, ຍ້ອງຍໍພັກ, ປະທານໂຮ່ຈິມິນ, ພົນເອກ ຫວໍງວຽນຢາບ ກໍ່ຄືຂອບຂະໜາດຂອງໄຊຊະນະດ້ຽນບຽນຝູ ທີ່ໃຫຍ່ຫຼວງ.
ໃນລະຫວ່າງວັນທີ 18 – 25/04, ກອງສາຍພິມຮູບເງົາເຄື່ອນທີ່ຮ່າໂນ້ຍ ກໍ່ໄດ້ສາຍຮູບເງົາຮັບໃຊ້ພະນັກງານ, ນັກຮົບກຳລັງປະກອບອາວຸດ ແລະ ປະຊາຊົນບັນດາເຜົ່າແຂວງດ້ຽນບຽນ ຢູ່ສະໜາມອານຸສາວະລີໄຊຊະນະດ້ຽນບຽນຟູ, ຕາແສງ ນົງບົວ, ໃຈກາງຕາແສງ ເມື່ອງຟັງ.
ໃນຂະນະນັ້ນ, ຢູ່ຮ່າໂນ້ຍ, ຄະນະຈັດຕັ້ງລາຍການສະແດງສິລະປະບົດເພງດ້ຽນບຽນ ດັ່ງກ້ອງກັງວານໄປທົ່ວ ດຳເນີນໄປໃນວັນທີ 26/04 ຢູ່ສູນກອງປະຊຸມແຫ່ງຊາດ ມິ້ດິ່ງ, ເພື່ອຍ້ອງຍໍບັນດາຜູ້ທີ່ໄດ້ຮັບໄຊນະນະ.