ການນຳ ຫວຽດນາມ ເຂົ້າສຸສານໄຫວ້ອາໄລປະທານ ໂຮ່ຈີມິນ
(ພາບ: VGP/Nhật Bắc)
(vovworld) - ສະເຫຼີມສະຫຼອງ 69 ປີ ແຫ່ງວັນສະຖາປະນາປະເທດ ສສ ຫວຽດນາມ, ຕອນເຊົ້າວັນທີ 2/9, ບັນດາຜູ້ນຳພັກ, ລັດ, ແນວໂຮມປະເທດຊາດ ໂດຍທ່ານເລຂາທິການໃຫຍ່ ຫງວຽນຟູ໋ຈ້ອງ ນຳໜ້າໄດ້ເຂົ້າສຸສານໄຫວ້ອາໄລປະທານ ໂຮ່ຈີມິນ ແລະ ຖະຫວາຍທູບທຽນອາໄລຫາບັນດາວິລະຊົນທີ່ເສຍສະຫຼະຊີວິດເພື່ອຊາດ.
ຕອນເຊົ້າວັນດຽວກັນ, ຄະນະຜູ້ແທນກະຊວງປ້ອງກັນປະເທດ, ກະຊວງຕຳຫຼວດ, ກະຊວງການຕ່າງປະເທດ, ນະຄອນຮ່າໂນ້ຍ… ກໍ່ໄດ້ມາວາງພວງມາລາ, ເຂົ້າສຸສານໄຫວ້ອາໄລ ປະທານ ໂຮ່ຈີມິນ ແລະ ຖະຫວາຍທູບທຽນອາໄລຫາບັນດາວິລະຊົນທີ່ເສຍສະຫຼະຊີວິດເພື່ອຊາດເຊັ່ນດຽວກັນ.
ກ່ອນໜ້ານັ້ນ, ໃນຂອບເຂດງານບຸນວັດທະນະທຳບັນດາເຜົ່າເມືອງໂມກເຈົາ, ແຂວງເຊີນລາປີ 2014, ຕອນຄຳ່ວັນທີ 1/9, ຢູ່ເມືອງໂມກເຈົາໄດ້ດຳເນີນງານລາຕີສະເຫຼີມສະຫຼອງ 69 ປີ ແຫ່ງວັນການປະຕິວັດເດືອນ 8 ແລະ ວັນສະຖາປະນາປະເທດທີ 2/9. ທ່ານ ຮ່ວາງວັນຈວງ, ຊາວເຜົ່າຜູ້ໄທ, ບ້ານລ່າງ່າ, ຕາແສງເມື່ອງຊາງ, ໃຫ້ຮູ້ວ່າ:
“ປະທານໂຮ່ຈີມິນແມ່ນຜູ້ນຳພາການຕໍ່ຕ້ານທີ່ຍືດເຍື້ອຍາວນານ. ປະຈຸບັນ, ປະຊາຊົນບັນດາ ເຜົ່າມາເຕົ້າໂຮມກັນຢູ່ທີ່ນີ້ເພື່ອຫວນຄືນວັນ ສະຖາປະນາປະເທດ ແລະ ອາໄລຫາບຸນຄຸນຂອງປະທານໂຮ່ຈີມິນ“.
ໃນວັນດຽວກັນ, ນະຄອນມ໋ອງກ໋າຍ, ແຂວງກວາງນິງ ກໍ່ຈັດພິທີສະເຫຼີມສະຫຼອງ 69 ປີແຫ່ງ ວັນສະຖາປະນາປະເທດເຊັ່ນດຽວກັນ.
ພ້ອມກັບທ້ອງຖີ່ນພາຍໃນປະເທດ, ຕອນຄຳ່ວັນທີ 1/9, ຢູ່ນະຄອນຫຼວງໂຕກຽວ, ສະຖານທູດຫວຽດນາມປະຈຳຍີ່ປຸ່ນໄດ້ຈັດຕັ້ງພິທີຕ້ອນຮັບແຂກໃນໂອກາດສະເຫຼີມສະຫຼອງ 69 ປີແຫ່ງ ວັນສະຖາປະນາປະເທດ. ມີເຈົ້າໜ້າທີ່ກວ່າ 500 ຄົນທີ່ຕາງໜ້າໃຫ້ລັດຖະບານຍີ່ປຸ່ນ, ຄະນະທູຕານຸທູດຢູ່ໂຕກຽວ, ພ້ອມກັບບໍລິສັດ, ອົງການຈັດຕັ້ງຕ່າງໆຂອງຍີ່ປຸ່ນ ແລະ ປະຊາຄົມຊາວຫວຽດນາມຢູ່ຍີ່ປຸ່ນ ໄດ້ເຂົ້າຮ່ວມ. ກ່າວຄຳເຫັນທີ່ພິທີ, ທ່ານເອກອັກຄະລັດຖະທູດຫວຽດນາມປະຈຳຍີ່ປຸ່ນຫວນຄືນບັນດາຄວາມຫຍຸ້ງຍາກ ແລະ ຜົນງານເຊົ່ງຫວຽດນາມຍາດມາໄດ້ໃນ 69 ປີ ຜ່ານມາ. ເພື່ອບັນລຸໄດ້ຜົນງານດັ່ງກ່າວ, ປະຊາຊົນຫວຽດນາມໄດ້ຮັບການຊ່ວຍເຫຼືອອັນໃຫຍ່ຫຼວງຈາກປະຊາຊົນ ແລະ ລັດຖະບານຂອງຫຼາຍປະເທດໃນໂລກ, ໃນນັ້ນມີຍີ່ປຸ່ນ. ສ່ວນທ່ານຮອງລັດຖະມົນຕີການຕ່າງປະເທດຍີ່ປຸ່ນ Hirotaka Ishihara ກໍ່ໄດ້ຢືນຢັນເຖິງແງ່ຫວັງຮ່ວມມືລະຫວ່າງສອງປະເທດໃນຂົງເຂດຕ່າງໆ:
“ບັນດາວິສາຫະກິດຍີ່ປຸ່ນພວມເອົາໃຈໃສ່ທີ່ສຸດເຖິງເລື່ອງເປີດກວ້າງໂຮງງານຂອງຕົນຢູ່ຫວຽດນາມ. ນອກນັ້ນ. ຕາມຂ້າພະເຈົ້າແລ້ວ, ຮອດເວລາແລ້ວທີ່ຍີ່ປຸ່ນ ແລະ ຫວຽດນາມຄວນເພີ່ມທະວີການຮ່ວມມືໃນຂົງເຂດປ້ອງກັນຄວາມສະຫງົບຢູ່ພາກພື້ນອາຊີຕາເວັນອອກ“.
ໃນໂອກາດນີ້ ພິທີສະເຫຼີມສະຫຼອງ ວັນສະຖາປະນາປະເທດທີ 2/9 ກໍ່ດຳເນີນໄປຢູ່ໄທ, ຣູມານີ, ດ້ວຍການເຂົ້າຮ່ວມຂອງປະຊາຄົມຊາວຫວຽດນາມ, ພະນັກງານ, ນັກຮຽນຫວຽດນາມທີ່ພວມດຳລົງຊີວິດ, ປະຕິບັດງານ ແລະ ຮຳ່ຮຽນຢູ່ໄທ.