ບັນດາຜູ້ແທນເຂົ້າຮ່ວມວັນກາບກອນຫວຽດນາມ
ພາບ:vtv
|
(vovworld)- ວັນທີ 11/2, ຢູ່ ວັນມຽວ ກວກຕືຢາມ ທີ່ຮ່າໂນ້ຍ ໄດ້ໄຂພິທີສະເຫລີມສະຫລອງ ວັນກາບກອນຫວຽດນາມ ຄັ້ງທີ 15 ປີ 2017. ທ່ານ ບູຍເທດືກ, ຮອງຫົວຫນ້າຄະນະໂຄສະນາສຶກສາສູນກາງ ເຂົ້າຮ່ວມ ແລະ ຕີກອງໄຂງານບຸນ. ໃນງານບຸນ, ນອກຈາກອ່ານກາບກອນ ແລະ ພົວພັນແລກປ່ຽນກັບນັກກະວີດີເດັ່ນ ແລ້ວ, ຍັງຈັດໃຫ້ມີບັນດາລາຍການສະແດງສິລະປະ. ເປັນຄັ້ງທຳອິດ ມີເສັ້ນທາງນັກກະວີ ໄດ້ສ້າງຂຶ້ນໃນວັນກາບກອນຫວຽດນາມ ເພື່ອແນະນຳບັນດາຮູບພາບ, ບົດປະພັນຂອງບັນດານັກກະວີດີເດັ່ນຢູ່ຫວຽດນາມ. ນັກກະວີ ຫງວຽນຫວຽດຈຽນ, ສະມາຄົມນັກປະພັນວັນນະຄະດີ ຫວຽດນາມ, ສະມາຊິກ ຄະນະຈັດຕັ້ງວັນກາບກອນໄດ້ແບ່ງປັນວ່າ:
“ວັນກາບກອນຫວຽດນາມຄັ້ງທີ 15 ແມ່ນການເຄື່ອນໄຫວສະເຫລີມສະຫລອງ 60 ປີແຫ່ງວັນສ້າງສະມາຄົມນັກປະພັນວັນນະຄະດີຫວຽດນາມ. ເຂົ້າຮ່ວມງານບຸນ ມີນັກກະວີໃນໄລຍະຕ້ານຈັກກະພັດອາເມລິກາ, ນັກກະວີໃນໄລຍະປ່ຽນແປງໃຫມ່ ແລະ ບັນດານັກກະວີຫນຸ່ມ. ທັງໝົດແມ່ນລ້ວນແຕ່ເຊີດຊູກາບກອນ, ມຸ້ງໄປເຖິງຄວາມງາມຂອງກາບກອນກ່ຽວກັບຄວາມຮັກຕໍ່ປະເທດຊາດ”.
ຕອນເຊົ້າວັນດຽວກັນ, ສະມາຄົມນັກປະພັນວັນນະຄະດີ ນະຄອນໂຮ່ຈີມີນ ໄດ້ໄຂບັນດາການເຄື່ອນໄຫວສະເຫລີມສະຫລອງ ວັນກາບກອນຫວຽດນາມ ຄັ້ງທີ 15 ເຊັນດຽວກັນ.