ການໂອ້ລົມສົນທະນາ ອາຊຽນ - ນິວຊີແລນ ຄັ້ງທີ 24
ການໂອ້ລົມສົນທະນາ ອາຊຽນ - ນິວຊີແລນ ຄັ້ງທີ 24 ຈັດຕັ້ງໃນວັນທີ 21 – 22/3
|
(vovworld) - ການໂອ້ລົມສົນທະນາ ອາຊຽນ - ນິວຊີແລນ ຄັ້ງທີ 24 ຫາກໍ່ດຳເນີນຢູ່ Christchurch, ປະເທດ ນີວຊີແລນ ໃນວັນທີ 21 – 22/3. ເມື່ອແລກປ່ຽນກ່ຽວກັບການຮ່ວມມືລວມ 2 ຝ່າຍ, ບັນດາປະເທດ ອາຊຽນ ແລະ ນີວຊີແລນ ລ້ວນແຕ່ເນັ້ນໜັກເຖິງຄວາມຕ້ອງການຮ່ວມມື, ຊຸກຍູ້ການສ້າງຄວາມໄວ້ເນື້ອເຊື່ອໃຈ, ຮັກສາການໂອ້ລົມສົນທະນາ, ຮັກສາສັນຕິພາບ, ຄວາມໝັ້ນຄົງ ແລະ ສະຖຽນລະພາບໃນພາກພື້ນ. ນິວຊີແລນ ສະໜັບສະໜູນ ແລະ ໃຫ້ຄຳໝັ້ນສັນຍາຈະເຂົ້າຮ່ວມບັນດາກົນໄກຮ່ວມມືການເມືອງ - ຄວາມໝັ້ນຄົງ ໂດຍອາຊຽນ ເປັນຜູ້ລິເລີ່ມ ແລະ ແນະນຳຢ່າງ ຕັ້ງໜ້າ. ນີວຊີແລນ ສືບຕໍ່ຢືນຢັນເລື່ອງຖືເປັນສຳຄັນການພົວພັນກັບ ອາຊຽນ ແລະ ສະໜັບສະໜູນບົດບາດໃຈກາງຂອງ ອາຊຽນ ໃນໂຄງປະກອບພາກພື້ນພວມເປັນຮູບປະທຳ. ກ່ຽວກັບບັນຫາສາກົນ, ບັນດາປະເທດສະແດງຄວາມວິຕົກວັງວົນຕໍ່ການຜັນແປໄລຍະມໍ່ໆມານີ້ໃນແຫຼມ ເກົາຫຼີ ແລະ ສະພາບການຢູ່ທະເລຕາເວັນອອກ. ນິວຊີແລນ ສະແດງການສະໜັບສະໜູນທັດສະນະຂອງ ອາຊຽນ ກ່ຽວກັບທະເລຕາເວັນອອກ, ເນັ້ນໜັກເຖິງຄວາມສຳຄັນຂອງການຮັກສາສັນຕິພາບ, ສະຖຽນລະພາບ, ຄວາມໝັ້ນຄົງ, ຄວາມປອດໄພ, ຄວາມເສລີໃນການເດີນເຮືອ ແລະ ການບິນຢູ່ທະເລຕາເວັນອອກ, ແກ້ໄຂບັນດາການຂັດແຍ້ງກັນໂດຍສັນຕິ, ໃນນັ້ນເຄົາລົບບັນດາວິວັດການທາງການທູດ ແລະ ນິຕິທຳ, ບົນພື້ນຖານເຄົາລົບກົດໝາຍສາກົນ. ກ່ຽວກັບທາງດ້ານເສດຖະກິດ, 2 ຝ່າຍເຫັນດີສືບຕໍ່ປະຕິບັດສັນຍາການຄ້າ ອາຊຽນ - ອົດສະຕາລີ - ນິວຊີແລນ (AANZFTA, ເຊັນເມື່ອປີ 2009) ບົນພື້ນຖານຍຸດທະສາດວັດທະນາຖາວອນຢ່າງມີປະສິດທິຜົນ.