ການໂອ້ລົມສົນທະນາກ່ຽວກັບຮ່ວມມືດ້ານເສດຖະກິດລະຫວ່າງຫວຽດນາມ - ລາວ
(ການໂອ້ລົມສົນທະນາກ່ຽວກັບຮ່ວມມື
ດ້ານເສດຖະກິດລະຫວ່າງຫວຽດນາມ - ລາວ)
(vovworld) – ທີ່ການໂອ້ລົມສົນທະນາກ່ຽວກັບການຮ່ວມມືດ້ານເສດຖະກິດລະຫວ່າງບັນດາແຂວງເຂດໄຕງວຽນ - ເຂດຕອນໃຕ້ພາກກາງຫວຽດນາມ ກັບບັນດາແຂວງພາກກາງ - ພາກໃຕ້ລາວ ຄັ້ງທີ 2, ດຳເນີນໄປໃນຕອນເຊົ້າວັນທີ 02/11, ໂດຍທ່ານຮອງນາຍົກລັດຖະມົນຕີຫວຽດນາມ ຫງວຽນຊວນຟຸກ ແລະ ທ່ານຮອງນາຍົກລັດຖະມົນຕີລາວ ສົມສະຫວາດ ເລັ່ງສະຫວັດ ເປັນປະທານຮ່ວມ. ກ່າວຄຳເຫັນທີ່ການໂອ້ລົມສົນທະນາ, ທ່ານຮອງນາຍົກລັດຖະມົນຕີ ຫງວຽນຊວນຟຸກ ຢືນຢັນວ່າ ດ້ວຍທ່າແຮງດ້ານພູມສາດ, ການພົວພັນທີ່ສະໜິດແໜ້ນລະຫວ່າງປະຊາຊົນ 2 ປະເທດ, ນັ້ນແມ່ນຄວາມສະດວກເປັນພື້ນຖານເພື່ອໃຫ້ວິສາຫະກິດ 2 ປະເທດຍູ້ແຮງການລົງທຶນການຄ້າ 2 ສົ້ນ ແລະ ການຮ່ວມມືພັດທະນາການທ່ອງທ່ຽວ. ທ່ານຮອງນາຍົກລັດຖະມົນຕີ ຫງວຽນຊວນຟຸກ ສະເໜີວ່າ ໃນໄລຍະຈະມາເຖິງ, ບັນດາອົງການ ແລະ ວິສາສະກິດຂອງ 2 ປະເທດ ສືບຕໍ່ຍູ້ແຮງເລື່ອງສຳເລັດບັນດາສັນຍາກ່ຽວຂ້ອງເຖິງການຄ້າ, ການລົງທຶນ, ສ້າງກົນໄກ, ນະໂຍບາຍທີ່ສົມເຫດສົມຜົນ, ສ້າງກອບກົດໝາຍໃຫ້ແກ່ບັນດາໂຄງການລົງທຶນຂອງວິສາຫະກິດ 2 ປະເທດ. ທ່ານຮອງນາຍົກລັດຖະມົນຕີ ຫງວຽນຊວນຟຸກ ເນັ້ນໜັກວ່າ.
“ພາຍຫຼັງກອງປະຊຸມຄັ້ງນີ້, ບັນດາກະຊວງ, ນັກລົງທຶນລະຫວ່າງ 2 ປະເທດ, ຕ້ອງສຸມແຫຼ່ງກຳລັງ ເພື່ອຍູ້ແຮງການປະຕິບັດບັນດາໂຄງການລົງທຶນທີ່ໄດ້ຮັບອະນຸຍາດ, ຮັບປະກັນຄວາມຄືບໜ້າ, ຄຸນນະພາບທີ່ໄດ້ໃຫ້ຄຳໝັ້ນສັນຍາແລ້ວ, ປະຕິບັດຕາມກົດໝາຍຂອງລາວ ຢ່າງເຂັ້ມງວດ, ພ້ອມທັງຍົກສູງໜ້າທີ່ຮັບຜິດຊອບສັງຄົມສຳລັບປະຊາຄົມ, ສ້າງວຽກເຮັດງານທຳຕື່ມອີກ, ປົກປັກຮັກສາສິ່ງແວດລ້ອມ… ອຳນາດການປົກຄອງບັນດາແຂວງເຂດຊາຍແດນລະຫວ່າງຫວຽດນາມ ແລະ ລາວ ຕ້ອງເພີ່ມທະວີການຮ່ວມມື, ແລກປ່ຽນຂໍ້ມູນຂ່າວສານ, ຫັນຮູບແບບຮ່ວມມືເປັນຫຼາຍຮູບຫຼາຍແບບ ເພື່ອເສີມຂະຫຍາຍບັນດາຄວາມສາມາດບົ່ມຊ້ອນ ແລະ ທ່າແຮງຂອງແຕ່ລະທ້ອງຖິ່ນຢ່າງແຮງ”.