ກຳປັ່ນຂັບໄລ່ USS Curtis Wilbur ຂອງອາເມລິກາ
ພາບ:internet
|
(vovworld)- ວັນທີ 30/1, ທຳນຽບ 5 ແຈ ໄດ້ຮັບຮູ້ວ່າ: ກຳປັ່ນຂັບໄລ່ USS Curtis Wilbur ຂອງອາເມລິກາ ໄດ້ບຸກເຂົ້າເຂດ 12 ໄມທະເລຢູ່ອ້ອມແອ້ມເກາະ ຈີຕົນ ຂຶ້ນກັບໝູ່ເກາະຮ່ວາງຊາ ຂອງຫວຽດນາມ ແຕ່ພວມຖືກ ຈີນ ຢືດຄອງຢ່າງຜິດກົດໝາຍ. ໂຄສົກກະຊວງການຕ່າງປະເທດ ອາເມລິກາ Mark Wright ຊີ້ແຈ້ງວ່າ: ກະຊວງການຕ່າງປະເທດອາເມລິກາ ໄດ້ປະຕິບັດສິດເສລີໃນການເດີນທະເລຢູ່ ທະເລຕາເວັນອອກ ໃນວັນທີ 30/1 ໃນເຂດໃກ້ຄຽງຂອງເກາະ ຈີຕົນ ຢູ່ ໝູ່ເກາະຮ່ວາງຊາ. ເມື່ອຕອບຄຳຖາມຂອງນັກຂ່າວສະເຫນີໃຫ້ຮູ້ປະຕິກິລິຍາຂອງຫວຽດນາມ ກ່ຽວກັບເລື່ອງ ວັນທີ 30/1/2016, ກຳປັ່ນຂັບໄລ່ຂອງ ອາເມລິກາ ປະຕິບັດ "ບັ້ນຄວາມເສລີໃນການເດີນທະເລ” ໃນຂອບເຂດ 12 ໄມທະເລ ຂອງເກາະ ຈີຕົນ ຂຶ້ນກັບໝູ່ເກາະຮ່ວາງຊາ, ໂຄສົກກະຊວງການຕ່າງປະເທດຫວຽດນາມ ເລຫາຍບີງ ໄດ້ເນັ້ນຫນັກວ່າ: ອີກຄັ້ງຫນຶ່ງພວກຂ້າພະເຈົ້າຢັ້ງຢືນ, ອະທິປະໄຕຂອງຫວຽດນາມທີ່ບໍ່ສາມາດປະຕິເສດໄດ້ສຳລັບ ໝູ່ເກາະ ຮ່ວາງຊາ ກໍຄື ໝູ່ເກາະ ເຈື່ອງຊາ”. ຫວຽດນາມ ສະເຫນີ ບັນດາປະເທດ ຕ້ອງມີການປະກອບສ່ວນຢ່າງຕັ້ງຫນ້າ ແລະແທດຈິງເຂົ້າໃນການຮັກສາ ແລະ ເພີ່ມທະວີສັນຕິພາບ, ສະຖຽນລະພາບ ຢູ່ທະເລຕາເວັນອອກ ກໍຄື ເຄົາລົບກົດໝາຍສາກົນ.