ກຳປູເຈຍສະກັດກັ້ນການກະທຳຂອງ”ການປະຕິວັດສີ”ສຳເລັດຜົນ
ທ່ານນາຍົກລັດຖະມົນຕີ ກຳປູເຈຍ Hun Sen
(ພາບອິນເຕີແນັດ)
(vovworld)-ກຳປູເຈຍ ໄດ້ສະກັດກັ້ນຂະບວນການ “ວັນຈັນສີດຳ” ລົງຖະຫນົນ ໂດຍບັນດາອົງການບໍ່ຂຶ້ນກັບລັດຖະບານພາຍໃນປະເທດປຸກລະດົມສຳເລັດຜົນ. ນີ້ແມ່ນຂະບວນການ ຊື່ງບັນດານັກໄຈ້ແຍກດ້ານການເມືອງຖືວ່າ ແມ່ນ ໜໍ່ແໜງຂອງ “ການປະຕິວັດສີ” ເຊິ່ງຕ້ອງສະກັດກັ້ນ. ກ່ອນນີ້ 1 ເດືອນ, ກຳລັງປ້ອງກັນຄວາມສະຫງົບ ກຳປູເຈຍ ໄດ້ຈັບຕົວ ພາລະກອນ 4 ຄົນ ສັງກັດອົງການບໍ່ຂຶ້ນກັບລັດຖະບານ ແລະ ຮອງເລຂາທິການໃຫຍ່ຂອງຄະນະກຳມະການເລືອກຕັ້ງແຫ່ງຊາດ ກຳປູເຈຍ ຜູ້ຫນຶ່ງ ຍ້ອນໂທດສໍ້ລາດບັງຫລວງ. ເຖິງຢ່າງໃດກໍຕາມ ຫລັງຈາກນັ້ນອົງການບໍ່ຂຶ້ນກັບລັດຖະບານຈຳນວນຫນຶ່ງ ພາຍໃນປະເທດກຳປູເຈຍຄື: ADHOC ແລະ LICADHOໄດ້ປຸກລະດົມ ແລະ ປະຕິບັດຂະບວນການ “ວັນຈັນສີດຳ” ໝາຍຄວາມວ່າ ວັນຈັນປະຈຳອາທິດ ນຸ່ງເສື້ອສີດຳລົງຖະຫນົນແຫ່ຂະບວນຮຽກຮ້ອງລັດຖະບານ ປ່ອຍຕົວໃຫ້ບັນດາຜູ້ຖືກຈັບຕົວ.