ທ່ານTea Banh,ລັດຖະມົນຕີວ່າການກະຊວງປອ້ງກັນ
ປະເທດກຳປູເຈຍ ພົບປະກັບປະທານປະເທດລາວ
ຈູມມາລີ ໄຊຍະສອນ
ພາບ:TTXVN
|
(vovworld)- ວັນທີ 2/3, ທ່ານ Tea Banh, ລັດຖະມົນຕີວ່າການກະຊວງປອ້ງກັນປະເທດ ກຳປູເຈຍ ໄດ້ເຈລະຈາກັບຄູ່ຕຳແຫນ່ງ ລາວ ແສງນວນ ໄຊຍະລາດ ພວມຢູ່ຢ້ຽມຢາມ ກຳປູເຈຍ, ຜ່ານນັ້ນ ສອງຝ່າຍ ໄດ້ເຫັນດີເພີ່ມທະວີບັນດາການພົວພັນສອງຝ່າຍກວ່າອີກ ກໍຄືຮ່ວມມືຕ່າງຝ່າຍຕ່າງມີຜົນປະໂຫຍດ. ກຳປູເຈຍ ແລະ ລາວ ເຫັນດີແລກປ່ຽນຂໍ້ມູນຂ່າວສານກ່ຽວຂ້ອງເຖິງບັນດາບັນຫາປ້ອງກັນຄວາມສະຫງົບ ກໍຄືປະຕິບັດບັນດາການຢ້ຽມຢາມເຊິ່ງກັນ ແລະກັນ ລະຫວ່າງບັນດາຄະນະຜູ້ແທນປ້ອງກັນປະເທດຢູ່ທຸກຂັ້ນ ເພື່ອແບ່ງປັນບົດຮຽນ ແລະ ວຽກງານວິຊາສະເພາະ. ສິ້ນສຸດການເຈລະຈາ, ລັດຖະມົນຕີວ່າການກະຊວງປ້ອງກັນປະເທດ ລາວ ແລະ ກຳປູເຈຍ ໄດ້ລົງນາມໃນບົດບັນທຶກຊ່ວຍຈຳກ່ຽວກັບການຮ່ວມມື. ລັດຖະມົນຕີວ່າການກະຊວງປ້ອງກັນປະເທດລາວ ແສງນວນ ໄຊຍະລາດ ຢ້ຽມຢາມກຳປູເຈຍ ຢ່າງເປັນທາງການໃນເວລາ 4 ວັນ ແຕ່ວັນທີ 28/2.