(ພາບປະກອບ)
(vovworld) - ຕອນເຊົ້າວັນທີ 26/05, ຢູ່ຮ່າໂນ້ຍ, ກະຊວງປ້ອງກັນປະເທດ ໄດ້ຈັດກອງຊຸມວຽກງານຕໍ່ສູ້, ປ້ອງກັນ, ຕ້ານອາດຊະຍາກຳ; ຕ້ານການສໍ້ລາດບັງຫຼວງ, ຄ້າເຖື່ອນ, ສໍ້ກົງການຄ້າ, ປະຕິບັດການປະຢັດ, ຕ້ານການຟຸ້ມເຟືອຍ. ນັບແຕ່ເວລາສ້າງຕັ້ງຄະນະຊີ້ນຳ 1389 (19/07/2014) ມາຮອດປະຈຸບັນ, ບັນດາອົງການສືບສວນອາຍາໃນກອງທັບ, ທະຫານລາດຕາເວັນ, ຕຳຫຼວດທະເລ ແລະ ກຳລັງທີ່ກ່ຽວຂ້ອງ ໄດ້ສົມທົບກັນ, ຈັບຕົວ, ລົງໂທດກວ່າ 3000 ຄະດີ. ກ່າວຄຳເຫັນທີ່ກອງປະຊຸມ, ພົນໂທ ຫງວຽນແທ້ງກຸງ, ລັດຖະມົນຕີຊ່ວຍວ່າການກະຊວງປ້ອງກັນປະເທດ, ຫົວໜ້າຄະນະຊີ້ນຳ 1389, ສະເໜີໃຫ້ຜູ້ບັນຊາທຸກຂັ້ນ ຕ້ອງເດັດດຽວປະຕິບັດວຽກງານປ້ອງກັນ, ຕ້ານອາດຊະຍາກຳ; ຕ້ານການສໍ້ລາດບັງຫຼວງ, ຄ້າເຖື່ອນ, ສໍ້ກົງການຄ້າ, ປະຕິບັດການປະຢັດ, ຕ້ານການຟຸ້ມເຟືອຍ, ພ້ອມທັງຍູ້ແຮງວຽກງານໂຄສະນາໃຫ້ປະຊາຊົນທ້ອງຖິ່ນປະຕິບັດຂະບວນການທົ່ວປວງຊົນເຂົ້າຮ່ວມການປ້ອງກັນ, ຕ້ານອາດຊະຍາກຳ.