ຂັບພື້ນເມືອງວິຢ້ຳເງະຕິ້ງ ໄດ້ຮັບການຮັບຮອງ ແມ່ນມໍລະດົກວັດທະ ນະທຳບໍ່ມີຮູບຮ່າງ
(ພາບປະກອບ: Báo Nghệ An )
(vovworld)- ວັນທີ 27/11, ຂັບພື້ນເມືອງວິຢ້ຳເງະຕິ້ງ ໄດ້ຮັບການຮັບຮອງຈາກອູແນສໂກວ່າ ແມ່ນມໍລະດົກວັດທະນະທຳບໍ່ມີຮູບຮ່າງຕາງໜ້າຂອງມວນມະນຸດ. ກ່າວຄຳເຫັນເນື່ອງໃນໂອກາດນີ້, ທ່ານາງດັ້ງບິກລຽນ, ລັດຖະມົນຕີຊ່ວຍວ່າການກະຊວງວັດທະນະທຳ, ກິລາ ແລະ ການທ່ອງທ່ຽວຫວຽດນາມ ຖືວ່າ: ນີ້ແມ່ນຂໍ້ຕົກລົງທີ່ມີຄວາມໝາຍອັນໃຫ່ຍຫຼວງສຳລັບຫວຽດນາມ ແລະ ຢືນຢັນວ່າ: ນັບແຕ່ນີ້ເປັນຕົ້ນໄປ, ຂັບພື້ນເມືອງວິຢ້ຳເງະຕິ້ງ ໄດ້ກາຍເປັນຊັບສົມບັດວັດທະນະທຳຂອງມວນມະນຸດ. ຫວຽດນາມ ໃຫ້ຄຳໝັ້ນສັນຍາຈະປະຕິບັດໂຄງການດຳເນີນງານ ເພື່ອແນໃສ່ອະນຸລັກຮັກສາພະລັງຊີວິດຂອງຮູບການຂັບພື້ນເມືອງນີ້ ແລະ ຜັນຂະຫຍາຍບັນດານະໂຍບາຍແນໃສ່ເຊີດຊູບັນດານັກສິລະປະກອນ.
ເລື່ອງອູແນສໂກເຊີດຊູຂັບພື້ນເມືອງວິຢ້ຳເງະຕິ້ງແມ່ນຄວາມເອກອ້າງທະນົງໃຈທີ່ສຸດສຳລັບຊາວຫວຽດນາມ ພວມດຳລົງຊີວິດຢູ່ຕ່າງປະເທດ. ສາດສະດາຈານເຈິ່ນກວາງຫາຍ, ຜູ້ຊ່ຽວຊານດ້ານດົນຕີມູນເຊື້ອຫວຽດນາມ ໃຫ້ຮູ້ວ່າ:
“
ຂ້າພະເຈົ້າພາກພູມໃຈທີ່ສຸດເມື່ອຮັບຂ່າວວ່າອູແນສໂກໄດ້ຮັບຮອງປະເພດດົນຕີຫວຽດນາມ ອີກປະເພດໜຶ່ງ ເປັນມໍລະດົກຂອງມວນມະນຸດ. ນີ້ແມ່ນຄວາມເປັນກຽດ ແລະ ຄວາມເອກະອ້າງທະນົງໃຈຂອງຊາດຫວຽດນາມ“./.