ຄະນະກຳມະການຊົນເຜົ່າລົງນາມໃນຂໍ້ຕົກລົງຮ່ວມມືກ່ຽວກັບການຊຸກຍູ້ສິດຂອງຊາວຊົນເຜົ່າສ່ວນໜ້ອຍ
(ພາບປະກອບ)
(vovworld) – ວັນທີ 03/03, ຢູ່ຮ່າໂນ້ຍ, ຄະນະກຳມະການຊົນເຜົ່າ ແລະ ອົງການ ActionAid ສາກົນປະຈຳຫວຽດນາມ ໄດ້ຈັດພິທີລົງນາມຂໍ້ຕົກລົງຮ່ວມມືກ່ຽວກັບການຊຸກຍູ້ສິດຂອງຊາວຊົນເຜົ່າສ່ວນໜ້ອຍຢູ່ຫວຽດນາມ ໃນໄລຍະ 2015 – 2017. ຂໍ້ຕົກລົງມີຜົນສັກສິກໃນເວລາ 2 ປີເຄິ່ງ, ເລີ່ມແຕ່ເດືອນ 03/2015 ແລະ ສິ້ນສຸດລົງໃນວັນທີ 30/09/2017. ດ້ວຍຂໍ້ຕົກລົງດັ່ງກ່າວ, 2 ຝ່າຍໃຫ້ຄຳໝັ້ນສັນຍາຮ່ວມມື ແລະ ເສີມຂະຫຍາຍບັນດາຂົງເຂດຄື: ທະວີຄຸນຮູບລ້ຽງຊີບຢ່າງໝັ້ນຄົງໃຫ້ຊາວໜຸ່ມເຂດຊົນເຜົ່າສ່ວນໜ້ອຍທີ່ໄດ້ຮັບການປະຕິບັດສຳເລັດຜົນຢູ່ ເງັ້ອານ ເພື່ອສະເໜີນະໂຍບາຍໃໝ່ກ່ຽວກັບການລ້ຽງຊີບ ແລະ ວຽກເຮັດງານທຳໃຫ້ຊາວໜຸ່ມເຂດຊົນເຜົ່າສ່ວນໜ້ອຍ; ສຳຫຼວດບັນດາການເຄື່ອນໄຫວກ່ຽວຂ້ອງເຖິງຄຳໝັ້ນສັນຍາຂອງຫວຽດນາມ ກ່ຽວກັບສິດຂອງຊາວຊົນເຜົ່າສ່ວນໜ້ອຍ ແລະ ເຜີຍແຜ່ດ້ານກົດໝາຍ, ນະໂຍບາຍແນໃສ່ຮັບປະກັນສິດຂອງຊາວຊົນເຜົ່າສ່ວນໜ້ອຍ… ກ່າວຄຳເຫັນທີ່ພິທີລົງນາມ, ທ່ານ ຮ່ວາງຊວນເລືອງ, ຮອງຫົວໜ້າຄະນະກຳມະການຊົນເຜົ່າ ເນັ້ນໜັກວ່າ.
“ຂ້າພະເຈົ້າປາດຖະໜາວ່າ ActionAid ສາກົນ ຈະສືບຕໍ່ເອົາໃຈໃສ່ໜຸນຊ່ວຍດ້ານການເງິນ, ບົດຮຽນສາກົນ ເພື່ອໃຫ້ພວກເຮົາສາມາດທະວີຄຸນບັນດາຮູບແບບລ້ຽງຊີບໃຫ້ຊາວຊົນເຜົ່າສ່ວນໜ້ອຍເພື່ອສາມາດຫຼຸດພົ້ນອອກຈາກຄວາມທຸກຍາກຢ່າງໝັ້ນຄົງ. ສະເໜີພວກເພື່ອນໜູນຊ່ວຍໃຫ້ຄະນະກຳມະການຊົນເຜົ່າຂອງລັດຖະບານຫວຽດນາມ ສຳຫຼວດ, ຕີລາຄາ, ພ້ອມທັງຕິດຕາມກວດກາບການເຄື່ອນໄຫວຕ່າງໆຂອງບັນດາອົງການລັດຫວຽດນາມ ໃນການຮັບປະກັນສິດຜົນປະໂຫຍດຂອງຊາວຊົນເຜົ່າສ່ວນໜ້ອຍ”.