ຄະນະກຳມະການສູນກາງແນວໂຮມປະເທດຊາດຫວຽດນາມເຮັດວຽກຢູ່ເຂດເຕັກໂນໂລຢີສູງນະຄອນໂຮ່ຈີມິນ
ທ່ານ ຫງວຽນທ້ຽນເຍີນ ປະທານ ຄະນະກຳມະການສູນກາງແນວໂຮມ
ປະເທດຊາດ ຫວຽດນາມ ເຮັດວຽກຢູ່ເຂດເຕັກໂນໂລຢີສູງນະຄອນ ໂຮ່ຈີມິນ
(vovworld) – ວັນທີ 29/8, ຄະນະຕິດຕາມກວດກາຂອງຄະນະກຳມະການສູນກາງແນວໂຮມປະເທດຊາດ ຫວຽດນາມ ໂດຍທ່ານ ຫງວຽນທ້ຽນເຍີນ ປະທານ ຄະນະກຳມະການສູນກາງແນວໂຮມປະເທດຊາດ ຫວຽດນາມ ເປັນຫົວໜ້າຄະນະ ມີການເຮັດວຽກຢູ່ເຂດເຕັກໂນໂລຢີສູງນະຄອນ ໂຮ່ຈີມິນ ກ່ຽວກັບການພັດທະນາວິທະຍາສາດ - ເຕັກໂນໂລຢີ ແລະ ກົດໝາຍວ່າດ້ວຍວິທະຍາສາດ ແລະ ເຕັກໂນໂລຢີ ຢູ່ນະຄອນ ໂຮ່ຈີມິນ. ກ່າວຄຳເຫັນທີ່ການເຮັດວຽກ, ທ່ານ ຫງວຽນທ້ຽນເຍີນ ຕີລາຄາສູງເຂດເຕັກໂນໂລຢີສູງ ນະຄອນ ໂຮ່ຈີມິນ ໄດ້ເຄື່ອນໄຫວ ຢ່າງມີປະສິດທິຜົນ ໃນໄລຍະຜ່ານມາ. ການເຄື່ອນໄຫວມີປະສິດທິຜົນ ຂອງເຂດເຕັກໂນໂລຢີສູງນະຄອນ ໂຮ່ຈີມິນ ໄດ້ປະກອບສ່ວນພໍສົມຄວນໃນໂຄງການໜູນຊ່ວຍຫັນປ່ຽນໂຄງປະກອບເສດຖະກິດ, ຫັນປ່ຽນຮູບແບບເຕີບໂຕຂອງນະຄອນ ຕາມທິດເພີ່ມ ອັດຕາສ່ວນອຸດສາຫະກຳເຕັກໂນໂລຢີສູງ, ການບໍລິການເຕັກໂນໂລຢີສູງເທື່ອລະກ້າວ. ໃນໄລຍະຈະມາເຖິງ, ກຳນົດທິດພັດທະນາເຂດເຕັກໂນໂລຢີສູງຂອງນະຄອນຈະກາຍເປັນໃຈກາງຄົ້ນຄວ້າພັດທະນາວິທະຍາສາດເຕັກໂນໂລຢີແຮງຂອງພາກພື້ນ, ນຳໜ້າໃນການພັດທະນາວິທະຍາສາດເຕັກໂນໂລຢີຂອງນະຄອນ, ເປັນພາກສ່ວນສຳຄັນຂອງພື້ນຖານເສດຖະກິດພູມປັນຍາຂອງນະຄອນ.