ຄະນະຊີ້ນຳເຂດໄຕງວຽນ ຜັນຂະຫຍາຍໜ້າທີ່ປີ 2015
ທ່ານພົນເອກ ເຈິນດ້າຍກວາງ, ລັດຖະມົນຕີວ່າການກະຊວງຕຳຫຼວດ
ພາບ:tinmoi.com
|
(vovworld) - ວັນທີ 26/1, ທີ່ນະຄອນບວນມາທວດ, ແຂວງດັກລັກ, ຄະນະຊີ້ນຳເຂດໄຕງວຽນ ໄດ້ຈັດຕັ້ງກອງປະຊຸມຜັນຂະຫຍາຍໜ້າທີ່ວຽກງານປີ 2015. ທ່ານພົນເອກ ເຈິນດ້າຍກວາງ ກຳມະການກົມການເມືອງ, ລັດຖະມົນຕີວ່າການກະຊວງຕຳຫຼວດ, ຫົວໜ້າຄະນະຊີ້ນຳເຂດໄຕງວຽນ ເປັນປະທານກອງປະຊຸມ.
ທ່ານເຈິນດ້າຍກວາງ ລັດຖະມົນຕີວ່າການໄດ້ຊີ້ນຳນຳພາບັນດາແຂວງໄຕງວຽນ ສຸມໃສ່ຮັບປະກັນຄວາມປອດໄພໃຫ້ແກ່ກອງປະຊຸມໃຫຍ່ພັກທຸກຊັ້ນ, ກ້າວໄປເຖິງກອງປະຊຸມໃຫຍ່ຄັ້ງທີ 12 ຂອງພັກກອມມູນິດຫວຽດນາມ ແລະ ບັນດາເຫດການ, ວັນບຸນໃຫຍ່ທີ່ສຳຄັນຂອງປະເທດຊາດໃນປີ 2015. ທ່ານລັດຖະມົນຕີວ່າການ ຮຽກຮ້ອງໃຫ້ບັນດາທ້ອງຖິ່ນເພີ່ມທະວີການປະສານສົມທົບກັນຕ້ອງກຳໄດ້ສະພາບການ, ຄົ້ນພົບ, ຕໍ່ສູ້ ສະກັດກັ້ນກົນອຸບາຍ, ການເຄື່ອນໄຫວຂອງບັນດາອິດທິກຳລັງທີ່ເປັນປໍລະປັກຢ່າງທັນການຮັບປະກັນການຮັບໃຊ້ຄວາມຮຽກຮ້ອງຕ້ອງການການພັດ ທະນາເສດຖະກິດ-ສັງຄົມ, ຮັບປະກັນການປ້ອງກັນຊາດ, ປ້ອງກັນຄວາມສະຫງົບໃນບໍລິເວນເຂດໄຕງວຽນ. ທ່ານເຈິນດ້າຍກວາງ ລັດຖະມົນຕີວ່າ ການ ສະເໜີໃຫ້ຄະນະຊີ້ນຳເຂດໄຕງວຽນ ສືບຕໍ່ຄົ້ນຄ້ວາ, ສະເໜີກົນໄກພິເສດສະເພາະ ເພື່ອລະດົມບັນດາແຫຼ່ງກຳລັງຮັບໃຊ້ການເຊື່ອມຕໍ່ພື້ນຖານ ໂຄງລ່າງຄົມມະນາຄົມໃນບໍລິເວນເຂດໄຕງວຽນ ແລະ ເຂດອ້ອມຂ້າງ.
ເນື່ອງໃນໂອກາດນີ້, ຄະນະຊີ້ນຳເຂດໄຕງວຽນ ໄດ້ມອບຂອງຂວັນ 16.000 ພູດ, ມີມູນຄ່າ 8 ຕື້ດົ່ງໃຫ້ແກ່ບັນດາຄອບຄົວນະໂຍບາຍຢູ່ບັນດາແຂວງໄຕງວຽນ ແລະ ບັນດາແຂວງທີ່ຕິດກັບເຂດໄຕງວຽນ.