ທ່ານ ຫງວຽນຊວນຟຸກ ຈົດໃສ່ປື້ມໄວ້ອາໄລ
(vovworld) – ຕອນເຊົ້າວັນທີ 25/7, ທ່ານນາຍົກລັດຖະມົນຕີ ຫງວຽນຊວນຟຸກ ນຳໜ້າຄະນະຜູ້ແທນຂັ້ນສູງ ຫວຽດນາມ ໄດ້ໄປສະຖານທູດ ລາວ ປະຈຳ ຫວຽດນາມ ເພື່ອໄວ້ອາໄລ ແລະ ຂຽນໃນປື້ມໄວ້ອາໄລ ທ່ານ ສະໝານ ວິຍາເກດ, ອະດີດກຳມະການກົມການເມືອງ, ອະດີດປະທານສະພາແຫ່ງຊາດ, ອະດີດຫົວໜ້າຄະນະຊີ້ນຳວຽກງານແນວຄິດ, ທິດສະດີ ແລະ ວັດທະນະທຳສູນກາງພັກປະຊາຊົນປະຕິວັດລາວ, ເຊິ່ງໄດ້ເຖິງແກ່ມໍລະນະກຳເມື່ອວັນທີ 22/7/2016. ທ່ານເລຂາທິການໃຫຍ່ຄະນະບໍລິຫານງານສູນກາງພັກ ກອມມູນິດ ຫວຽດນາມ ຫງວຽນຟູ໋ຈ້ອງ ໄດ້ ສົ່ງພວງມາລາມາອາໄລຫາ.
ແລະກໍ່ໃນວັນດຽວກັນ, ຄະນະຜູ້ແທນຄະນະພົວພັນຕ່າງປະເທດສູນກາງ, ຄະນະຜູ້ແທນຄະນະໂຄສະນາສຶກສາສູນກາງ, ຄະນະຜູ້ແທນຫ້ອງວ່າການສູນກາງ, ຄະນະຜູ້ແທນຫ້ອງວ່າການປະທານປະເທດ, ຄະນະຜູ້ແທນຫ້ອງວ່າການສະພາແຫ່ງຊາດ, ຄະນະຜູ້ແທນກະຊວງການຕ່າງປະເທດ, ຄະນະຜູ້ແທນກະຊວງປ້ອງກັນປະເທດ, ຄະນະຜູ້ແທນຄະນະຊາວໜຸ່ມ ຮ່າໂນ້ຍ, ຄະນະຜູ້ແທນຄະນະກຳມະການຮ່ວມມື ຫວຽດນາມ - ລາວ, ຄະນະຜູ້ແທນຄະນະຕິດຕໍ່ພົວພັນອະດີດນັກຊ່ຽວຊານນັກຮົບອາສາສະໝັກ ຫວຽດນາມ ຢູ່ລາວ ແລະ ບາງກະຊວງ, ຄະນ, ຂະແໜງການໄດ້ເຂົ້າໄວ້ອາໄລ ແລະ ຈົດໃສ່ປື້ມໄວ້ອາໄລທ່ານ ສະໝານ ວິຍາເກດ ຢູ່ສະຖານທູດລາວ ປະຈຳ ຫວຽດນາມ.