ງານພົບປະສັງສັນບັນດາຜູ້ເຂົ້າຮ່ວມການເຄື່ອນໄຫວຢູ່ກອງປະຊຸມປາຣີກ່ຽວກັບຫວຽດນາມ
ທ່ານນາງ ຫງວຽນທິບີ່ງກ່າວຄຳເຫັນທີ່ພິທີ
|
(vovworld) – ການພົບປະສັງສັນບັນດາຜູ້ເຂົ້າຮ່ວມການເຄື່ອນໄຫວຢູ່ກອງປະຊຸມ ປາຣີ ກ່ຽວກັບ ຫວຽດນາມ ໄດ້ຮັບການຈັດຕັ້ງໃນຕອນບ່າຍວັນທີ 28/4, ຢູ່ນະຄອນ ໂຮ່ຈີມິນ. ເຂົ້າຮ່ວມງານພົບປະສັງສັນມີອະດີດປະທານປະເທດ ຫງວຽນມິງຈຽດ, ອະດີດຮອງປະທານປະເທດ ຫງວຽນທິບີ່ງ, ອະດີດຫົວໜ້າຄະນະເຈລະຈາທີ່ກອງປະຊຸມ ປາຣີ ກ່ຽວກັບ ຫວຽດນາມ ຂອງລັດຖະບານປະຕິວັດຊົ່ວຄາວ ສ. ພາກໃຕ້ ຫວຽດນາມ ພ້ອມກັບບັນດາສະມາຊິກຂອງຄະນະເຈລະຈາຢູ່ກອງປະຊຸມ ປາຣີ ກ່ຽວກັບ ຫວຽດນາມ ແລະ ຊາວ ຫວຽດນາມ ອາໄສຢູ່ຕ່າງປະເທດຫຼາຍຄົນທີ່ໄດ້ຊ່ວຍເຫຼືອຄະນະເຈລະຈາ. ທ່ານນາງ ຫງວຽນທິບີ່ງ ໃຫ້ຮູ້ວ່າ: ບັນດາຜູ້ທີ່ເຄີຍຕໍ່ສູ້ໃນແນວຮົບການທູດໃນເມື່ອກ່ອນ, ປະຈຸບັນເຖິງວ່າອາຍຸສູງແລ້ວກໍ່ຕາມ ແຕ່ຍັງມີຄວາມສຸດຈິດສຸດໃຈ, ຍັງສືບຕໍ່ອຸທິດສ່ວນໃຫ້ແກ່ປະເທດ ແລະ ປາດຖະໜາວ່າ: ລຸ້ນຄົນຕໍ່ໄປຈະສືບທອດມູນເຊື້ອ, ນຳ ຫວຽດນາມ ນັບມື້ນັບພັດທະນາ:
“ຕໍ່ໜ້າພວກເຮົາແມ່ນການຕໍ່ສູ້ເພື່ອປະເທດ ຫວຽດນາມ ເອກະລາດ, ຮັ່ງມີເຂັ້ມແຂງ ແລະ ປະຊາຊົນມີຄວາມເສລີ ແລະ ມີຄວາມຜາສຸກ. ການຕໍ່ສູ້ໃໝ່ນີ້ເຖິງວ່າບໍ່ມີສຽງປືນກໍ່ຕາມ ແຕ່ມັນຫຍຸ້ງຍາກທີ່ສຸດ, ເຕັ້ມໄປດ້ວຍສິ່ງທ້າທາຍ, ພິເສດໃນສະພາບການສາກົນມີຄວາມສັບສົນທີ່ສຸດ. ເພື່ອຍາດເອົາໄຊຊະນະ, ຮຽກຮ້ອງໃຫ້ທັງຊາດຕ້ອງມີການເຕົ້າໂຮມກັນ.”