ພາບປະກອບ
(vovworld) – ໃນລະຫວ່າງວັນທີ 18 – 25/7/2016, ຢູ່ສູນວັດທະນະທຳແຂວງ ກວາງຈີ້, ໄດ້ຈັດຕັ້ງ “ງານມະໂຫລານສິລະປະ 5 ປະເທດ ຫວຽດນາມ, ລາວ, ກຳປູເຈຍ, ມຽນມາ ແລະ ໄທ - 2016”. ງານມະໂຫລານຄັ້ງນີ້ມີການເຂົ້າຮ່ວມຂອງ 21 ຄະນະສິລະປະໃນນັ້ນມີ 4 ຄະນະສິລະປະຕ່າງປະເທດເຊິ່ງລວມມີ: ຄະນະສີລະປະລາຊະອານາຈັກ ກຳປູເຈຍ, ຄະນະສິລະປະແຫ່ງຊາດ ລາວ, ຄະນະສິລະປະ ສະຫະພັນ ມຽນມາ, ຄະນະສິລະປະລາຊະອານາຈັກ ໄທ. ບັນດາຜະລິດຕະພັນສິລະປະທີ່ຈະສະແດງໃນງານມະໂຫລານ ມີເນື້ອໃນສະແດງຄວາມງາມຂອງບ້ານເກີດເມືອງນອນ, ປະເທດຊາດ, ມະນຸດ, ຄວາມເປັນເອກະລັດສະເພາະຂອງແຕ່ລະເຂດພາກ, ບັນດາຜົນງານຂອງຊາດ ທີ່ບັນລຸໄດ້ໃນອະດິດຕະການ ແລະ ປະຈຸບັນຂອງກຸ່ມ ອາຊຽນ, ພິເສດແມ່ນນນຳ້ໃຈມິດຕະພາບຂອງບັນດາປະເທດ ຫວຽດນາມ, ລາວ, ກຳປູເຈຍ, ມຽນມາ ແລະ ໄທ. ນີ້ແມ່ນການເຄື່ອນໄຫວວັດທະນະທຳສິລະປະເພື່ອແນໃສ່ຮັດແໜ້ນຄວາມສາມັກຄີມິດຕະພາບ, ການຮ່ວມມືພ້ອມກັນພັດທະນາລະຫວ່າງບັນດາປະເທດໃນພາກພື້ນ ອາຊີຕາເວັນອອກສ່ຽງໃຕ້ ແລະ ປະຊາຄົມອາຊຽນ, ແນະນຳ, ໂຄສະນາກ່ຽວກັບວັດທະນະທຳ, ສິລະປະ, ປະເທດຊາດ, ຊາວ ຫວຽດນາມ ເຖິງບັນດາປະເທດບ້ານໃກ້ເຮືອນຄຽງ ພ້ອມທັງແມ່ນໂອກາດເພື່ອໃຫ້ນັກສິລະປິນປະເທດຕ່າງໆໄດ້ພົບປະ, ພົວພັນແລກປ່ຽນ, ຮຳ່ຮຽນເອົາບົດຮຽນຂອງກັນໃນການອອກແຮງງານ, ປະດິດຄິດສ້າງສິລະປະ, ຮັບເອົາບັນດາຄຸນຄ່າທີ່ເປັນເອກະລັກສະເພາະ, ຈຸດຍອດຍິງໃນສິລະປະຟ້ອນລຳທຳເພງ ຈາກນັ້ນເຮັດໃຫ້ສີສັນວັດທະນະທຳຂອງແຕ່ລະປະເທດ, ເຂດພາກອຸດົມສົມບຸນຂຶ້ນຕື່ມ.