ພາບແຕ້ມແຜ່ນໜຶ່ງທີ່ນຳມາວາງສະແດງ
(vovworld) – “ຮັກສາທະເລ, ໝູ່ເກາະຂອງປະເທດຊາດ” ແມ່ນຫົວຂໍ້ຂອງງານວາງສະແດງວິຈິດສິນຖືກໄຂຂຶ້ນໃນຕອນເຊົ້າວັນທີ 22/7, ທີ່ຫໍພິພິທະພັນວິຈິດສິນ ຫວຽດນາມ. ງານວາງສະແດງ “ຮັກສາທະເລ, ໝູ່ເກາະຂອງປະເທດຊາດ” ໄດ້ນຳມາວາງສະແດງ ຮູບແຕ້ມ, ຮູບປະຕິມາກຳ, ຮູບແກະຄວັດສະຫຼັກ 55 ຢ່າງ... ຂອງນັກວິຈິດສິນຫຼາຍລຸ້ນຄົນ, ກ່ຽວກັບຄວາມງາມຂອງເຂດທະເລ ຫວຽດນາມ, ການດຳລົງຊີວິດຂອງຊາວປະມົງຕິດພັນກັບທະເລ ແລະ ບັນດາທະຫານເຮືອທີ່ອົງອາດກ້າຫານ, ຕັດສິນໃຈປົກປັກຮັກສາອະທິປະໄຕທີ່ສັກກະຫຼະບູຊາຂອງປະເທດຊາດ. ທ່ານ ຫງວຽນແອ໋ງຫງວຽດ, ຮອງຜູ້ອຳນວຍການຫໍພິພິທະພັນວິຈິດສິນ ຫວຽດນາມ, ໃຫ້ຮູ້ວ່າ:
“ມີນັກຈິດຕະກອນຫຼາຍລຸ້ນຄົນ, ຈາກລຸ້ນນັກຈິດຕະກອນສັງກັດຢູ່ໂຮງຮຽນວິຈິດສິນ ດົງເຢືອງ ຕະຫຼອດຮອດນັກຈິດຕະກອນລຸ່ນປະຈຸບັນ, ແຕ່ລະໄລຍະ, ແຕ່ລະຄົນລ້ວນແຕ່ມີວິທີການສະແດງດ້ວຍວິທີສະເພາະຂອງຕົນ. ແຕ່ຂ້າພະເຈົ້າໄດ້ເອົາໃຈໃສ່ເຖິງເນື້ອໃນຄວາມໝາຍໃນຜະລິດຕະພັນດ້ານວິຈິດຕະກຳ. ຜ່ານງານວາງສະແດງຄັ້ງນີ້, ພວກເຮົາໄດ້ເຫັນເຖິງມູນເຊື້ອຮັກຊາດນັບແຕ່ປາງກ່ອນມາຮອດປະຈຸບັນຂອງຊາວ ຫວຽດນາມ.”