(vovworld) - ໂດຍສືບຕໍ່ຜົນສຳເລັດຂອງງານວາງສະແດງກ່ອນນີ້ 2 ຄັ້ງ, ວັນທີ 21/04, ຢູ່ມະຫາວິທະຍາໄລຊັບພະວິຊາ ດ່ານັ້ງ, ພະແນກພົວພັນຕ່າງປະເທດນະຄອນດ່ານັ້ງ ໄດ້ສົມທົບກັບຄະນະກຳມະການປະຊາຊົນເມືອງເກາະຮ່ວາງຊາ, ຫໍພິພິດຕະພັນດ່ານັ້ງ ຈັດງານວາງສະແດງ “ໝູ່ເກາະຮ່ວາງຊາ - ອະທິປະໄຕຂອງຫວຽດນາມ” ຄັ້ງທີ 3 ແຕ່ວັນທີ 21 ຫາວັນທີ 26/04. ງານວາງສະແດງ ໄດ້ວາງສະແດງຮູບຖ່າຍ, ເອກະສານ ແລະ ວັດຖຸພັນ ເກືອບ 70 ຢ່າງທີ່ມີຄຸນຄ່າ ຢືນຢັນອະທິປະໄຕຂອງຫວຽດນາມ ທີ່ມີຕໍ່ໝູ່ເກາະ ຮ່ວາງຊາຄື: ແຜນທີປະເທດ ອານນາມ ໂດຍຝລັ່ງ ແຕ້ມເມື່ອປີ 1838; ແຜນທີ່ປະເທດ ດ້າຍນາມ ໃນສະໄໝເຈົ້າຊີວິດ ມິງເມັ້ງ 1820 – 1841. ເຂົ້າຮ່ວມງານວາງສະແດງ, ເພື່ອນ ເຈີນຕ໋ຽນຟ໋າດ, ນັກສຶກສາມະຫາວິທະຍາໄລຊັບພະວິຊາ ດ່ານັ້ງ ແບ່ງປັນວ່າ.
“ຜ່ານງານວາງສະແດງ, ບັນດາແຜນທີ່ ແລະ ບັນດາຫຼັກຖານລະອຽດ ອາດຈະຮູ້ໄດ້ຂໍ້ມູນຫຼາຍຢ່າງ, ທີ່ພິສຸດໃຫ້ເຫັນວ່າ ໝູ່ເກາະຮ່ວາງຊາ ແລະ ເຈື່ອງຊາ ແມ່ນຂອງຫວຽດນາມ. ຜ່ານງານວາງສະແດງ, ນ້ອງອາດຈະມີບັນດາການເຄື່ອນໄຫວຢ່າງແທດຈິງຄື ໂຄສະນາໃຫ້ເພື່ອນມິດ, ເພື່ອໃຫ້ເພື່ອນຂອງຕົນມີສະຕິກວ່າກ່ຽວກັບການປົກປັກຮັກສາອະທິປະໄຕທະເລ, ໝູ່ເກາະຂອງປະເທດຊາດ”.