ກອງປະຊຸມເຈົ້າໜ້າທີ່ການທູດຂັ້ນສູງ ອາຊຽນ - ຈີນ ຢູ່ກອງປະຊຸມ
(ພາບ: AFP/TTXVN)
(vovworld) – ໜັງສືພິມລາຍວັນ “Straits Times” ຂອງສິງກະໂປໃນວັນທີ 29/4 ໃຫ້ຮູ້ວ່າ: ຍ້ອນຂາດຂໍ້ຕົກລົງໜຶ່ງທີ່ມີລັກສະນະຜຸກມັດກ່ຽວກັບວິທີຄວບຄຸມການຂັດແຍ້ງຜືນແຜ່ນດິນຢູ່ທະເລຕາເວັນອອກ ລະຫວ່າງ ຈີນ ແລະ ອາຊຽນ, ປັກກິງ ໄດ້ສະເໜີບັນດາຝ່າຍອອກຖະແຫຼງການຮ່ວມໃຫ້ຄຳໝັ້ນສັນຍາປະຕິບັດບັນດາຫຼັກການຂອງຂໍ້ຕົກລົງກ່ອນນັ້ນ, ເຊິ່ງລວມມີເລື່ອງຈຳກັດ ຄວາມເຄັ່ງຕຶງໃນພາກພື້ນ. ຖະແຫຼງການດັ່ງກ່າວກໍ່ສ່ອງແສງຫຼາຍຫຼັກການໃນຖະແຫຼງການກ່ຽວກັບການປະພຶດຂອງຝ່າຍຕ່າງໆຢູ່ທະເລຕາເວັນອອກ (DOC) ປີ 2002, ເຊິ່ງແມ່ນຕົກລົງທີ່ຈີນ ແລະ ບັນດາປະເທດ ອາຊຽນ ໄດ້ເຊັນກັນແລ້ວ, ຢັ້ງຢືນທຸກໆຝ່າຍຕ້ອງແກ້ໄຂການຂັດແຍ້ງກັນໂດຍສັນຕິ ແລະ ຫລີກລ້ຽງບໍ່ໃຫ້ສະພາບມີຄວາມສັບສົນ ແລະ ເຄັ່ງຕຶງປິນຂັ້ນໄດ.
ກ່າວຄຳເຫັນພາຍຫຼັງການປະຊຸມຂ່າວທີ່ແກ່ຍາວເປັນເວລາ 2 ວັນຄື 17 – 18/4, ຢູ່ ສິງກະໂປລະຫວ່າງບັນດານັກການທູດ ຈີນ ແລະ ອາຊຽນ, ທ່ານ ຫຼິວເຈິງໝິງ, ລັດຖະມົນຕີຊ່ວຍວ່າການກະຊວງການຕ່າງປະເທດ ຈີນ, ໃຫ້ຮູ້ວ່າ: ຂໍ້ສະເໜີນີ້ແມ່ນຈຳເປັນສຳລັບ 10 ປະເທດສະມາຊິກ ອາຊຽນ ເພື່ອຢັ້ງຢືນຄຳໝັ້ນສັນຍາກັບ DOC. ກອງປະຊຸມລະຫວ່າງບັນດານັກການທູດ ຈີນ - ອາຊຽນ ຖືກດຳເນີນຢູ່ສິງກາໂປ ໂດຍທ່ານເລຂາທິການໃຫຍ່ຜູ້ປະຈຳການກະຊວງການຕ່າງປະເທດ ສິງກາໂປ Chee Wee Kiong ແລະ ທ່ານລັດຖະມົນຕີຊ່ວຍວ່າການ ຫຼິວເຈິງໝິງ ເປັນປະທານຮ່ວມ, ໄດ້ສຸມໃສ່ປຶກສາຫາລືກ່ຽວກັບວິທີການນຳໃຊ້ບັນດາຂໍ້ແນະນຳຂອງ DOC ແລະ ປັບປຸງການພົວພັນຮ່ວມມື ອາຊຽນ - ຈີນ.