ຊາວຫວຽດນາມອາໄສຢູ່ຕ່າງປະເທດກັບເມື່ອບ້ານເກີດເມືອງນອນຕ້ອນຮັບບຸນເຕັດ
(ພາບປະກອບ)
(vovworld) – ວັນທີ 05/02, ແຂວງ ໄຕນິງ ໄດ້ຈັດການພົບປະກັບຊາວຫວຽດນາມ ອາໄສຢູ່ຕ່າງປະເທດກວ່າ 50 ຄົນ ເນື່ອງໃນໂອກາດບຸນເຕັດປີວອກ 2016. ທີ່ການພົບປະ, ທ່ານຮອງປະທານຄະນະກຳມະການປະຊາຊົນແຂວງ ຫງວຽນແທງຫງອກ ໄດ້ແນະນຳໂດຍສັງເຂບສະພາບເສດຖະກິດ, ວັດທະນະທຳ, ສັງຄົມ, ການປ້ອງກັນຊາດປ້ອງກັນຄວາມສະຫງົບແຂວງໄຕນິງ ໃນປີ 2015. ທ່ານຮອງປະທານຄະນະກຳມະການປະຊາຊົນແຂວງ ຫງວຽນແທງຫງອກ ໄດ້ສົ່ງຄຳອວຍພອນປີໃໝ່ຈົ່ງມີສຸຂະພາບເຂັ້ມແຂງ, ບັນລຸຜົນສຳເລັດໃນວຽກງານຂອງຕົນ ເຖິງຊາວຫວຽດນາມ ອາໄສຢູ່ຕ່າງປະເທດແຂວງໄຕນິງ ໝົດທຸກຄົນ.
ແລະກໍໃນວັນດຽວກັນ, ແຂວງເບັ໋ນແຈ ໄດ້ຈັດການພົບປະທີ່ສະໜິດສະໜົມລະຫວ່າງການນຳແຂວງກັບຊາວຫວຽດນາມ ແລະ ຍາດຕິພີ່ນ້ອງຊາວຫວຽດນາມ ອາໄສຢູ່ຕ່າງປະເທດກັບເມືອບ້ານເກີດເມືອງນອນຕ້ອນຮັບບຸນເຕັດ. ທ່ານ ຫງວຽນຮືວເຟື໋ອກ, ຮອງປະທານຄະນະກຳມະການປະຊາຊົນແຂວງເບັ໋ນແຈ ໄດ້ຮຽກຮ້ອງໃຫ້ພໍ່ແມ່ຊາວຫວຽດນາມ ອາໄສຢູ່ຕ່າງປະເທດປະກອບກຳລັງແຮງ, ຂໍ້ລິເລີມເພື່ອປະກອບສ່ວນສ້າງສາບ້ານເກີດເມືອງນອນ.