ທ່ານນາຍົກລັດຖະມົນຕີ ຫງວຽນຊວນຟຸກ ທີ່ການປຶກສາຫາລື
|
(vovworld) - ໃນຂອບເຂດກອງປະຊຸມຄັ້ງທີ 47 ເວທີປາໄສເສດຖະກິດໂລກ ເຊິ່ງພວມຈັດຂຶ້ນຢູ່ Davos, ປະເທດ ສະວິດ, ຕອນເຊົ້າວັນທີ 19/1 (ຕາມເວລາທ້ອງຖິ່ນ), ທ່ານນາຍົກລັດຖະມົນຕີ ຫງວຽນຊວນຟຸກ ໄດ້ເຂົ້າຮ່ວມວາລະປຶກສາຫາລື “ອະນາຄົດຂອງພື້ນຖານການຜະລິດພາຍໃຕ້ແງ່ມູມຍຸດທະສາດພາກພື້ນ”. ກ່າວຄຳເຫັນນະທີ່ນີ້, ທ່ານນາຍົກລັດຖະມົນຕີ ຫງວຽນຊວນຟຸກ ໃຫ້ຮູ້ວ່າ: ພາຍຫລັງ 30 ປີແຫ່ງວັນປະຕິບັດແນວທາງການປ່ຽນໃໝ່, ຈາກປະເທດທຸກຍາກ, ດ້ອຍພັດທະນາ, ຫວຽດນາມ ໄດ້ບືນຕົວຂຶ້ນກາຍເປັນປະເທດມີລາຍຮັບປານກາງ, ມີພື້ນຖານເສດຖະກິດການຕະຫຼາດ, ພວມພັດທະນາຂະຫຍັນຂັນເຄື່ອນ ແລະ ເຊື່ອມໂຍງນັບມື້ນັບເລິກເຊິ່ງ ກ້ວາງຂວາງ. ຫວຽດນາມ ເຂົ້າໃຈໄດ້ວ່າ ບໍ່ສາມາດສືບຕໍ່ອີງໃສ່ບັນດາແຫຼ່ງຊັບພະຍາກອນທຳມະຊາດທີ່ພວມບົກແຫ້ງໄປແລະ ແຫຼ່ງແຮງງານດ້ວຍລາຄາຕ່ຳເພື່ອພັດທະນາໄວ ແລະ ໝັ້ນຄົງໃນສັກກະລາດແຫ່ງການປະຕິວັດອຸດສາຫະກຳຄັ້ງທີ 4 ດັ່ງນັ້ນພວມສຸມໃສ່ເຂົ້າບາງທິດທາງທີ່ສຳຄັນ. ນັ້ນແມ່ນປ່ຽນໃໝ່ຮູບແບບການເຕີບໂຕບົນພື້ນຖານຍົກສູງຄຸນນະພາບການເຕີບໂຕ, ສະມັດຕະພາບຄົນງານ ແລະ ກຳລັງແກ່ງແຍ້ງຂອງພື້ນຖານເສດຖະກິດ. ພັດທະນາບັນດາຂະແໜງທີ່ມີມູນຄ່າເພີ່ມສູງ, ໝູນໃຊ້ວິທະຍາສາດເຕັກໂນໂລຢີ ແລະ ນຳໃຊ້ຄົນງານທີ່ມີຄຸນນະພາບສູງ, ພ້ອມທັງເຂົ້າຮ່ວມລະບົບມູນຄ່າທົ່ວໂລກຢ່າງເລິກເຊິ່ງ. ທ່ານນາຍົກລັດຖະມົນຕີ ກໍຍົກອອກທິດທາງອື່ນໆແມ່ນຍົກສູງຄຸນນະພາບແຫຼ່ງຊັບພະຍາກອນມະນຸດຮັບໃຊ້ການປ່ຽນໃໝ່, ມີຫົວຄິດປະດິດສ້າງ:
“ສຸມໃສ່ພັດທະນາແຫຼ່ງຊັບພະຍາກອນມະນຸດ, ວິທະຍາສາດເຕັກໂນໂລຢີ, ທ່ວງທັນກັບການປະຕິວັດອຸດສາຫະກຳຄັ້ງທີ 4, ຍູ້ແຮງການຄົ້ນຄ້ວາ, ໝູນໃຊ້ວິທະຍາສາດເຕັກໂນໂລຢີເພື່ອກາຍເປັນກຳລັງໜູນຂອງການເຕີບໂຕແບບຍືນຍົງ. ດ້ວຍ 60% ຈຳນວນພົນລະເມືອງພວມຢູ່ໃນເກນອາຍຸອອກແຮງງານ, ຫວຽດນາມ ຈະຢູ່ໃນໄລຍະມີພົນລະເມືອງໃນເກນອາຍຸອອກແຮງງານຢ່າງໜ້ອຍສຸດແມ່ນ 20 ປີ. ດັ່ງນັ້ນ ຫວຽດນາມ ພວມຍູ້ແຮງການປະຕິຮູບ ການສຶກສາ - ບຳລຸງສ້າງພື້ນຖານ ແລະ ຮອບດ້ານເພື່ອແນໃສ່ສ້າງກຳລັງແຮງງານມີຄຸນນະພາບສູງ. ປະຈຸບັນ, ມີ 52% ຂອງຈຳນວນພົນລະເມືອງ ຫວຽດນາມ ໄດ້ນຳໃຊ້ອີນເຕີເນັດ, ຄາດວ່າຮອດປີ 2020 ຈະມີປະມານ 1 ລ້ານຄົນງານທີ່ເຮັດວຽກໃນຂົງເຂດເຕັກໂນໂລຢີຂໍ້ມູນຂ່າວສານ. ນີ້ແມ່ນພື້ນຖານ ແລະ ທ່າແຮງສຳຄັນທີ່ສຸດເຊິ່ງບັນດາກຸ່ມບໍລິສັດເຕັກໂນໂລຢີສູງ ພວມຍາດແຍ່ງເພື່ອເປີດກ້ວາງການລົງທຶນເຂົ້າ ຫວຽດນາມ.”