ສາຍທາງລົດໄຟເລກ1
|
(vovworld)- ວັນທີ 24/8, ທີ່ການຕ້ອນຮັບຜູ້ຕາງຫນ້າສະຫະພັນເສດຖະກິດຍີ່ປຸ່ນ, ທ່ານ ເລແທງລຽມ, ຮອງປະທານ ຄະນະກຳມະການປະຊາຊົນນະຄອນ ໂຮ່ຈີມີນ ໄດ້ຕີລາຄາສູງການປະກອບສ່ວນຂອງບັນດາວິສາຫະກິດ ຍີ່ປຸ່ນ ໃຫ້ແກ່ການພັດທະນາຂອງຫວຽດນາມ ເວົ້າລວມ ແລະ ນະຄອນ ໂຮ່ຈິມີນ ເວົ້າສະເພາະ. ທ່ານ ເລແທງລຽມ ໃຫ້ຮູ້ວ່າ: ຍີ່ປຸ່ນ ພວມແມ່ນນັກລົງທຶນໃຫຍ່ອັນດັບ 6 ຢູ່ ນະຄອນໂຮ່ຈິມີນ ດ້ວຍ ກວ່າ 900 ໂຄງການ, ຍອດຈຳນວນເງິນລົງທຶນກວ່າ 2,7 ຕື້ USD, ສຸມໃສ່ເຂົ້າໃນບັນດາຂົງເຂດເຕັກໂນໂລຊີປຸງແຕ່ງ ແລະ ປະດິດສ້າງ. ທ່ານເລແທງລຽມ ສະເຫນີ ຝ່າຍຍີ່ປຸ່ນ ຍູ້ໄວຄວາມຄືບຫນ້າການປະຕິບັດໂຄງການກໍ່ສ້າງເສັ້ນທາງລົດໄຟເລກ 1 ໃຫ້ສຳເລັດໃນປີ 2019. ຕາມ ທ່ານເລແທງລຽມແລ້ວ, ນະຄອນໂຮ່ຈິມີນ ພວມມີໂຄງການສຳຄັນຈຳນວນຫນຶ່ງຄື: ແຜນຮ່າງພັດທະນາອຸດສາຫະກຳຫນູນຊ່ວຍ, ບຸລິມະສິດການພັດທະນາກະສິກຳເຕັກໂນໂລຊີສູງ ແລະ ຂົງເຂດວິທະຍາສາດເຕັກໂນໂລຊີສູງ. ນະຄອນໂຮ່ຈິມີນ ປາດຖະຫນາຢາກບັນດາວິສາຫະກິດ ຍີ່ປຸ່ນ ສືບຕໍ່ເອົາໃຈໃສ່ເພື່ອໃຫ້ການພົວພັນຮ່ວມມືລະຫວ່າງສອງຝ່າຍເຂົ້າສູ່ລວງເລິກ. ຍາມໃດນະຄອນໂຮ່ຈິມີນ ກໍມີຄຳໝັ້ນສັນຍາສ້າງເງື່ອນສະດວກ ແລະມີນະໂຍບາຍຫນູນຊ່ວຍບັນດາວິສາຫະກິດຕ່າງປະເທດ, ໃນນັ້ນ ມີວິສາຫະກິດ ຍີ່ປຸ່ນ ເຂົ້າມາລົງທຶນຢູ່ບໍລິເວນນະຄອນ.