ທ່ານຮອງນາຍົກລັດຖະມົນຕີ ຫວູວັນນີງ ພວມເຮັດວຽກຢູ່ຍີ່ປຸ່ນ
(ພາບ: AFP)
|
(vovworld) – ໃນຂອບເຂດການຢ້ຽມຢາມ ແລະ ເຮັດວຽກຢູ່ ຍີ່ປຸ່ນ, ວັນທີ 22/5, ທ່ານຮອງນາຍົກລັດຖະມົນຕີ ຫວູວັນນີງ ມີການເຈລະຈາກັບທ່ານລັດຖະມົນຕີວ່າການກະຊວງກະສິກຳ - ປ່າໄມ້ - ການປະມົງ ປຸ່ນ Yoshimasa Hayashi ຢູ່ ໂຕກຽວ. ນະທີ່ນີ້, ທ່ານຮອງນາຍົກລັດຖະມົນຕີ ຫວູວັນນີງ ຊີ້ແຈ້ງວ່າ: ຫວຽດນາມ ສະເໜີໃຫ້ກະຊວງກະສິກຳ ຍີ່ປຸ່ນ ສືບຕໍ່ເປີດກ້ວາງການຮ່ວມມືເພື່ອຍົກສູງມຸນຄ່າຂອງບັນດາປະເພດສິນຄ້າຜະລິດຕະພັນກະເສດ, ເພີ່ມທະວີການຮ່ວມມືໃນຂົງເຂດຂຸດຄົ້ນປາທູນາ…
ສ່ວນທ່ານ ທ່ານລັດຖະມົນຕີ Hayashi ໃຫ້ຄຳໝັ້ນສັນຍາ ຈະສືບຕໍ່ຮ່ວມມືກັບຂະແໜງກະສິກຳ ຫວຽດນາມ, ລະອຽດແມ່ນຈະໜູນຊ່ວຍຍົກສູງມຸນຄ່າປະເພດສິນຄ້າຜະລິດຕະພັນກະເສດ, ຕໍ່ກຳປັ່ນຕາມການອອກແບບຂອງ ຍີ່ປຸ່ນ…
ກ່ອນໜ້ານັ້ນ, ຕອນເຊົ້າວັນດຽວກັນ, ທ່ານຮອງນາຍົກລັດຖະມົນຕີ ຫວູວັນນີງ ໄດ້ຕ້ອນຮັບປະທານອົງການຮ່ວມມືສາກົນ ຍີ່ປຸ່ນ (JICA), ປະທານຄະນະກຳມະການເສດຖະກິດ ຫວຽດນາມ - ຍີ່ປຸ່ນ ແລະ ທ່ານຮອງປະທານອົງການສົ່ງເສີມການຄ້າ ຍີ່ປຸ່ນ.