ທ່ານນາຍົກລັດຖະມົນຕີຫງວຽນຊວນຟຸກກ່າວຄຳເຫັນທີ່ກອງປະຊຸມ
|
(vovworld)- ຕອນເຊົ້າວັນທີ 27/2, ຢູ່ ນະຄອນ ຕວຽນກວາງ ໄດ້ດຳເນີນກອງປະຊຸມສົ່ງເສີມການລົງທຶນ, ການຄ້າ ແລະ ການທ່ອງທ່ຽວ ແຂວງ ຕວຽນກວາງປີ 2017. ທ່ານ ເຈົ໋າວັນເລີມ, ເລຂາຄະນະພັກແຂວງ ໃຫ້ຮູ້ວ່າ: ແຂວງ ຖືຜົນສຳເລັດ ແລະ ຄວາມວັດທະນາຖາວອນຂອງ ນັກລົງທຶນ ແມ່ນຜົນງານ ແລະ ວັດທະນາຖາວອນຂອງແຂວງ, ຖືວິສາຫະກິດແມ່ນເປົ້າໝາຍຮັບໃຊ້. ສະນັ້ນ ແຂວງ ພວມມານະພະຍາຍາມປັບປຸງສະພາບແວດລ້ອມແຫ່ງການລົງທຶນດຳເນີນທຸລະກິດ, ສ້າງທຸກເງື່ອນໄຂໃຫ້ວິສາຫະກິດມາລົງທຶນ.
ກ່າວຄຳເຫັນທີ່ກອງປະຊຸມ, ທ່ານນາຍົກລັດຖະມົນຕີ ຫງວຽນຊວນຟຸກແຈ້ງໃຫ້ບັນດານັກລົງທຶນຊາບກ່ຽວກັບເລື່ອງ ລັດຖະບານ ແລະນາຍົກລັດຖະມົນຕີ ໄດ້ແກ້ໄຂຂໍ້ສະເຫນີແນະຂອງແຂວງ ຕວຽນກວາງ ທີ່ການເຮັດວຽກກັບການນຳຫລັກແຫລ່ງຂອງແຂວງໃນວັນທີ 26/2, ເພື່ອແນໃສ່ຊຸກຍູ້ເສດຖະກິດ, ສັງຄົມກໍຄືສ້າງສະພາບແວດລ້ອມແຫ່ງການລົງທຶນຢ່າງສະດວກໃຫ້ແຂວງ. ໃນນັ້ນ ທ່ານນາຍົກລັດຖະມົນຕີ ເຫັນດີຕໍ່ແຜນນະໂຍບາຍຜັນຂະຫຍາຍເສັ້ນທາງຄວາມໄວສູງເຊື່ອມຕໍ່ ແຂວງຕວຽນກວາງກັບເສັ້ນທາງຄວາມໄວສູງ ໂນ້ຍບ່າຍ - ລາວກາຍ ຕາມຮູບການຮ່ວມມືພາກເອກະຊົນ - ພາກລັດ (PPP). ນີ້ແມ່ນບັນດາຈຸດເດັ່ນສຳຄັນເພື່ອໃຫ້ແຂວງດຶງດູດການລົງທຶນ ແລະພັດທະນາເສດຖະກິດສັງຄົມ. ທ່ານນາຍົກລັດຖະມົນຕີ ຫງວຽນຊວນຟຸກ ເນັ້ນຫນັກວ່າ:
“ລັດຖະບານ ຮຽກຮ້ອງແຂວງ ຕວຽນກວາງ ສືບຕໍ່ປະຕິຮູບການປ່ຽນໃຫມ່ຢ່າງແຮງ, ພິເສດ ແມ່ນການປະຕິຮູບດ້ານບໍລິຫານ, ກ່ອນອື່ນໝົດແມ່ນລະບຽບການບໍລິຫານໃຫ້ແກ່ສະພາບແວດລ້ອມການລົງທຶນດຳເນີນທຸລະກິດເປັນຢ່າງດີ.”
ທ່ານນາຍົກລັດຖະມົນຕີ ສະເຫນີບັນດານັກລົງທຶນມີຍຸດທະສາດດຳເນີນທຸລະກິດຍາວນານເຂົ້າແຂວງຕວຽນກວາງ, ມີວິໄສທັດພັດທະນາ. ທີ່ກອງປະຊຸມ, ຜູ້ຕາງຫນ້າແຂວງຕວຽນກວາງ ແລະ ບັນດານັກລົງທຶນໄດ້ເຊັນຂໍ້ຕົກລົງກ່ຽວກັບການລົງທຶນໃນ 6 ໂຄງການລົງທຶນ ດ້ວຍຍອດຈຳນວນທຶນກວ່າ 18.600 ຕື້ດົງ.