(vovworld) – ຕາມໝາກຜົນແຫ່ງການສຳຫຼວດດັດຊະນີສະພາບແວດລ້ອມດຳເນີນທຸລະກິດ ໂດຍ EuroCham ປະກາດໃນວັນທີ 23/10, ຢູ່ນະຄອນໂຮ່ຈິມິນ “ດັດຊະນີສະພາບແວດລ້ອມດຳເນີນທຸລະກິດ (BCI) ງວດທີ 3 ລື່ນກາຍງວດທີ 2, ຄວາມໄວ້ເນື້ອເຊື່ອໃຈ ແລະ ແງ່ຫວັງດຳເນີນທຸລະກິດຂອງປະຊາຄົມວິສາຫະກິດເອີລົບ ຢູ່ຫວຽດນາມ ສືບຕໍ່ເພີ່ມຂຶ້ນ”. ໂດຍລະອຽດແມ່ນ, ດັດຊະນີສະພາບແວດລ້ອມດຳເນີນທຸລະກິດ BCI ງວດທີ 3 ໄດ້ເພີ່ມຂຶ້ນ 74 ຄະແນນ, ໃນຂະນະທີງວດທີ 2 ແມ່ນ 66 ຄະແນນ. ລະດັບເຕີບໂຕດັ່ງກ່າວຊີ້ໃຫ້ເຫັນຄວາມມຸ່ງຫວັງຂອງບັນດາວິສາຫະກິດໃນການເຈລະຈາສັນຍາການຄ້າເສລີ (FTA) ເອີລົບ - ຫວຽດນາມ. ບົດລາຍງານກໍ່ຊີ້ໃຫ້ເຫັນວ່າ, 61% ຈຳນວນວິສາຫະກິດຖືວ່າ ສະພາບເສດຖະກິດມະຫາພາກຂອງຫວຽດນາມ ຈະໝັ້ນຄົງ ແລະ ໄດ້ຮັບການປັບປຸງ.