ທ່ານເວືອງດິ່ງເຫ້ວ ກ່າວຄຳເຫັນທ່ີກອງປະຊຸມ
|
(vovworld) – ກ່າວຄຳເຫັນທີ່ກອງປະຊຸມ “ຮັບມືກັບການປ່ຽນແປງຂອງດິນຟ້າອາກາດ, ຄຸ້ມຄອງສັງລວມຊັບພະຍາກອນນຳ້ຢູ່ເຂດທົ່ງພຽງແມ່ນຳ້ຂອງ” ຖືກຈັດຂຶ້ນໃນວັນທີ 26/9, ຢູ່ແຂວງ ກາເມົາ, ທ່ານຮອງນາຍົກລັດຖະມົນຕີ ເວືອງດິ່ງເຫ້ວ ເນັ້ນໜັກວ່າ ການປ່ຽນແປງຂອງດິນຟ້າອາກາດໄດ້ວາງອອກຄວາມຫຍຸ້ງຍາກ ແລະ ສິ່ງທ້າທາຍຫຼາຍຢ່າງ, ສົ່ງຜົນສະທ້ອນເຖິງການພັດທະນາເສດຖະກິດ - ສັງຄົມ, ການຜະລິດ, ສິ່ງແວດລ້ອມ, ຊີວິດການເປັນຢູ່ຂອງປະຊາຊົນ. ດ່ັງນັ້ນ, ທຸກຂັ້ນ, ທຸກຂະແໜງການ, ທ້ອງຖິ່ນ ແລະ ປະຊາຊົນບໍ່ໄດ້ອັດຕະວິໄສ, ຫາກຕ້ອງມານະພະຍາຍາມຊອກຫາຮູບແບບໃໝ່ເພື່ອຮັບມືກັບການປ່ຽນແປງຂອງດິນຟ້າອາກາດ. ທ່ານຮອງນາຍົກລັດຖະມົນຕີ ກໍ່ຮຽກຮ້ອງໃຫ້ບັນດາກະຊວງ, ຂະແໜງການ, ທ້ອງຖິ່ນຢູ່ເຂດທົ່ງພຽງແມ່ນຳ້ຂອງ ສືບຕໍ່ຄົ້ນຄ້ວາ, ອັບແດດການຜັນແປຂອງດິນຟ້າອາກາດເພື່ອມີມາດຕະການຮັບມືບັນລຸປະສິດທິຜົນ, ປັບປຸງບັນດາແຜນພັດທະນາເສດຖະກິດ - ສັງຄົມຕິດພັນກັບການສ້າງໂຄງປະກອບພື້ນຖານກະສິກຳ, ບັນດາໂຄງການໃຫ້ແກ່ເຂດທົ່ງພຽງແມ່ນຳ້ຂອງເພື່ອມຸ່ງໄປເຖິງການພັດທະນາແບບຍືນຍົງ. ບັນດາທ້ອງຖິ່ນຕ້ອງມີມາດຕະການຮັບມື, ເພີ່ມທະວີການສົມທົບ, ນຳເອົາວິທີການຮັບມື ແລະ ຫລຸດຜ່ອນການປ່ຽນແປງຂອງດິນຟ້າອາກາດເຂົ້າບັນດາແຜນກຳນົດ, ແຜນການພັດທະນາຂອງທ້ອງຖິ່ນ, ພິເສດແມ່ນແຜນສັງລວມຂອງເຂດທົ່ງພຽງແມ່ນຳ້ຂອງ.