ທຸກການເຄືຶ່ອນໄຫວຂອງຈີນຢູ່ໝູ່ເກາະເຈືອງຊາຂອງຫວຽດນາມລ້ວນແຕ່ ແມ່ນຜິດກົດໝາຍ
ທ່ານນາງຝ້າມທູຮັ່ງ ຮອງໂຄສົກກະຊວງການຕ່າງປະເທດຫວຽດນາມ
|
(vovworld)- ຕອນບ່າຍວັນທີ 23/10, ຢູ່ຮ່າໂນ້ຍ, ກະຊວງການຕ່າງປະເທດຫວຽດນາມໄດ້ຈັດກອງປະຊຸມຂ່າວນັດສາມັນ. ຕອບສຳພາດນັກຂ່າວທີ່ສະເໜີໃຫ້ຮູ້ປະຕິກິລີຍາຂອງຫວຽດນາມຕໍ່ໜ້າເລື່ອງຈີນໃຫ້ກໍ່ສ້າງເດີນບິນເທິ່ງເຫດດອນ ຈືເຖີບ ທີ່ຂຶ້ນກັບໝູ່ເກາະເຈືອງຊາ ຂອງຫວຽດນາມ ກໍຄືເລື່ອງຈີນສະໜັບສະໜູນໄຕ້ຫວັນຈັດສົ່ງກຳປັ່ນປະກອບອາວຸດໄປປະຈຳການຢູ່ເກາະບາບີງ ທີ່ຂຶ້ນກັບໝູ່ເກາະເຈືອງຊາ ຂອງຫວຽດນາມ, ທ່ານນາງຝ້າມທູຮັ່ງ ຮອງໂຄສົກກະຊວງການຕ່າງປະເທດຫວຽດນາມໃຫ້ຮູ້ວ່າ :
“ ອີກເທື່ອໜຶ່ງ, ພວກຂ້າພະເຈົ້າຢືນຢັນຢ່າງແຂງແຮງກ່ຽວກັບອະທິປະໄຕທີ່ບໍ່ອາດໂຕ້ຖຽງໄດ້ສຳລັບ 2 ໝູ່ເກາະ ຮ່ວາງຊາ ແລະ ເຈືອງຊາຂອງຫວຽດນາມ. ຫວຽດນາມມີພື້ນຖານດ້ານກົດໝາຍ ແລະ ພະຍານຫຼັກຖານປະຫວັດສາດຢ່າງພຽງພໍເພື່ອຢັ້ງຢືນອະທິປະໄຕຂອງຕົນສຳລັບ 2 ໝູ່ເກາະ ຮ່ວາງຊາ ແລະ ເຈືອງຊາ. ທຸກການເຄືຶ່ອນໄຫວຂອງທຸກໆຝ່າຍໃນບໍລິເວນນິ້ີ້ ໂດຍບໍ່ໄດ້ຮັບອະນຸຍາດຈາກຫວຽດນາມນັ້ນ, ລ້ວນແຕ່ແມ່ນຜິດກົດໝາຍ ແລະ ບໍ່ມີຄຸນຄ່າແຕ່ຢ່າງໃດ”
ເມື່ອຕອບຄຳຖາມທີ່ວ່າ ໃນໄລຍະທີ່ຈະມາເຖິງ, ຈະດຳເນີນການຢ້ຽມຢາມຂັ້ນສູງເພື່ອຊຸກຍູ້ການຮ່ວມມື 2 ຝ່າຍລະຫວ່າງຫວຽດນາມ-ຈີນຫຼືບໍ່? ທ່ານນາງຝ້າມທູຮັ່ງ ຮອງໂຄສົກກະຊວງການຕ່າງປະເທດຫວຽດນາມຢືນຢັນວ່າ : ປີ 2015 ຈະແມ່ນປີ 2 ປະເທດຈັດຕັ້ງສະເຫຼີມສະຫຼອງ 65 ປີແຫ່ງວັນສ້າງຕັ້ງການພົວພັນທາງການທູດ. ເລື່ອງ 2 ປະເທດດຳເນີນການຢ້ຽມຢາມຂັ້ນຕ່າງໆແມ່ນເລື່ອງແນ່ນອນ, ເພື່ອແນ່ໃສ່ ເພີ່ມທະວີການພົວພັນຖານບ້ານໃກ້ເຮືອນຄຽງ ແລະ ຊຸກຍູ້ການຮ່ວມມື 2 ຝ່າຍລະຫວ່າງຫວຽດນາມ-ຈີນ.