ທ້ອງຖິ່ນຕ່າງໆເລີ່ມເຄື່ອນໄຫວເດືອນຊາວໜຸ່ມ2017
ຄະນະຊາວໜຸ່ມນະຄອນຮ່າໂນ້ຍຈັດ
“ພິທີປຸກລະດົມ ແລະ ພິທີເຄື່ອນພົນເດືອນຊາວໜຸ່ມປີ 2017”
(ພາບ: tienphong.vn)
(vovworld) - ເນື່ອງໃນໂອກາດສະເຫຼີມສະຫຼອງວັນສ້າງຕັ້ງຄະນະຊາວໜຸ່ມກອມມູນິດໂຮ່ຈິມິນ, ຕອນເຊົ້າວັນທີ 25/02, ຄະນະຊາວໜຸ່ມແຂວງເຊີນລາ ໄດ້ຈັດພິທີເລີ່ມເຄື່ອນໄຫວເດືອນຊາວໜຸ່ມ 2017 ຢູ່ເມືອງ ມາຍເຊີນ. ໃນເດືອນຊາວໜຸ່ມ, ຄາດວ່າຄະນະຊາວໜຸ່ມແຂວງ ຈະປູທາງເບຕົງຢູ່ຕາແສງ ເມື່ອງບອນ, ເມືອງມາຍເຊີນ; ບໍລິຈາກເລືອດອາສາສະໝັກ ແລະ ບັນດາການເຄື່ອນໄຫວທຳຄວາມສະອາດສິ່ງແວດລ້ອມ… ທ່ານເລຂາຄະນະຊາວໜຸ່ມແຂວງເຊີນລາ ລາວ່າງອາລາ ໃຫ້ຮູ້ວ່າ.
“ຜ່ານບັນດາການເຄື່ອນໄຫວຂອງເດືອນຊາວໜຸ່ມ, ຄະນະປະຈຳຄະນະຊາວໜຸ່ມແຂວງ ປາດຖະໜາຢາກສຶກສາມູນເຊື້ອອັນສະຫງ່າລາສີຂອງຄະນະຊາວໜຸ່ມ, ປະກອບສ່ວນຍົກສູງສະຕິ, ຄວາມຮັບຜິດຊອບຂອງໄວໜຸ່ມໃນການຮ່ວມແຮງຮ່ວມໃຈພ້ອມກັບຄະນະພັກ, ອຳນາດການປົກຄອງ ແລະ ປະຊາຊົນປະຕິບັດບັນດາຄາດໝາຍກ່ຽວກັບດ້ານເສດຖະກິດ, ວັດທະນະທຳ, ສັງຄົມ… ຂອງແຂວງ”.
ແລະກໍໃນຕອນເຊົ້າວັນດຽວກັນ, ຢູ່ຕາແສງ ຕ໋ຽນແທ່ງ, ນະຄອນຟານທ໋ຽດ, ແຂວງ ບິ່ງທ້ວນ, ຄະນະຊາວໜຸ່ມແຂວງ ໄດ້ຈັດພິທີເຄື່ອນພົນ “ເດືອນຊາວໜຸ່ມ” 2017 ດ້ວຍການເຂົ້າຮ່ວມຂອງພະນັກງານ, ສະມາຊິກຊາວໜຸ່ມ, ຊາວໜຸ່ມກວ່າ 500 ຄົນ.
ຢູ່ຮ່າໂນ້ຍ, ຕອນເຊົ້າວັນທີ 25/02, ຄະນະຊາວໜຸ່ມນະຄອນ ກໍ່ຈັດ “ພິທີປຸກລະດົມ ແລະ ພິທີເຄື່ອນພົນເດືອນຊາວໜຸ່ມປີ 2017” ເຊັ່ນດຽວກັນ.