(VOVWORLD) -ການພັດທະນາຢ່າງແຮງຂອງເຕັກໂນໂລຢີຂໍ້ມູນຂ່າວສານໃນປັດຈຸບັນ ໄດ້ວາງອອກສິ່ງທ້າທາຍຫຼາຍຢ່າງ, ຮຽກຮ້ອງໃຫ້ນັກສິລະປິນຕ້ອງປ່ຽນແປງໃໝ່ດ້ວຍຕົນເອງ, ມີວິທີຄິດ ແລະ ການປະຕິບັດໃໝ່ໃນການປະດິດຄິດສ້າງສິລະປະ ໃຫ້ເໝາະສົມກັບການພັດທະນາໃນຕົວຈິງ
 ທ່ານນາງປະທານສະພາແຫ່ງຊາດຫວຽດນາມ ຫງວຽນທິກິມເງິນ ກ່າວຄໍາເຫັນທີ່ການພົບປະ |
ທີ່ການພົບປະກັບບັນດານັກສິລະປິນດີເດັ່ນໃນວັນທີ 22 ມັງກອນ, ທ່ານນາງປະທານສະພາແຫ່ງຊາດຫວຽດນາມ ຫງວຽນທິກິມເງິນ ໄດ້ຍ້ອງຍໍຊົມເຊີຍບັນດາຄວາມມານະພະຍາຍາມ ແລະ ການປະກອບສ່ວນຂອງຖັນແຖວນັກສິລະປິນໃນໄລຍະຜ່ານມາ ໄດ້ນໍາມາເຊິ່ງບັນດາຜະລິດຕະພັນທີ່ມີຄຸນຄ່່າ ເຕັມໄປດ້ວຍສິສັນວັດທະນະທໍາຂອງຊາດ. ພ້ອມທັງຢັ້ງຢືນວ່າ:
“ພັກ, ລັດ ຫວຽດນາມ ຍາມໃດກໍຖືເປັນສໍາຄັນວຽກງານກໍ່ສ້າງ, ປັບປຸງແນວທາງ, ແຜນນະໂຍບາຍ, ນະໂຍບາຍ, ກົດໝາຍ ໃຫ້ສົມບູນແບບ. ໃນນັ້ນ, ມີບັນດາກົນໄກ, ນະໂຍບາຍສະເພາະສໍາລັບວັນນະຄະດີ, ສິລະປະ. ພ້ອມກັນນັ້ນ, ຍາມໃດກໍເຄົາລົບນັບຖືສິດເສລີໃນການປະດິດຄິດສ້າງຂອງນັກສິລະປິນ, ພະຍາຍາມສ້າງເງື່ອນໄຂເພື່ອໃຫ້ນັກສິລະປິນທຸກຄົນ ເສີມຂະຫຍາຍຈົນສຸດຄວາມສາມາດຂອງຕົນ; ”.
ທ່ານນາງປະທານສະພາແຫ່ງຊາດ ຫງວຽນທິກິມເງິນ ຖືວ່າ ການພັດທະນາຢ່າງແຮງຂອງເຕັກໂນໂລຢີຂໍ້ມູນຂ່າວສານໃນປັດຈຸບັນ ໄດ້ວາງອອກສິ່ງທ້າທາຍຫຼາຍຢ່າງ, ຮຽກຮ້ອງໃຫ້ນັກສິລະປິນຕ້ອງປ່ຽນແປງໃໝ່ດ້ວຍຕົນເອງ, ມີວິທີຄິດ ແລະ ການປະຕິບັດໃໝ່ໃນການປະດິດຄິດສ້າງສິລະປະ ໃຫ້ເໝາະສົມກັບການພັດທະນາໃນຕົວຈິງ