ທ່ານນາຍົກລັດຖະມົນຕີ ຫງວຽນຊວນຟຸກ ໄປຮອດສະວິດ, ເລີ່ມຕົ້ນການເຂົ້າຮ່ວມ WEF Davos 2019
(VOVWORLD) - ຕອນເຊົ້າວັນທີ 23 ມັງກອນ, ທ່ານນາຍົກລັດຖະມົນຕີ ຫວຽດນາມ ຫງວຽນຊວນຟຸກ ແລະ ຄະນະຜູ້ແທນຂັ້ນສູງ ຫວຽດນາມ ໄດ້ໄປຮອດ Zurich, ປະເທດ ສະວິດ, ເລີ່ມຕົ້ນ ເຂົ້າຮ່ວມກອງປະຊຸມປະຈຳປີເວທີປາໄສເສດຖະກິດໂລກ (WEF) 2019, ຕາມຄຳເຊີນຂອງທ່ານປະທານກໍ່ຕັ້ງ ແລະ ບໍລິຫານ WEF Klaus Schwab.
 ທ່ານນາຍົກລັດຖະມົນຕີ ຫງວຽນຊວນຟຸກ ໄປຮອດສະວິດ, ເລີ່ມຕົ້ນການເຂົ້າຮ່ວມ WEF Davos 2019 (ພາບ: TTXVN) |
ອອກໄປຕ້ອນຮັບທ່ານນາຍົກລັດຖະມົນຕີ ຫງວຽນຊວນຟຸກ ແລະ ຄະນະຜູ້ແທນ ຫວຽດນາມຢູ່ສະໜາມບິນ Zurich ມີທ່ານເອກອັກຄະລັດຖະທູດ ຫວຽດນາມ ປະຈຳ ສະວິດ ຟ້າມຫາຍບັ່ງ ພ້ອມດ້ວຍບັນດາພະນັກງານຂອງສະຖານທູດ ແລະ ຄະນະປະຕິບັດງານ ຫວຽດນາມ ປະຈຳ ເຊີແນວ. ພາຍຫລັງລົງຮອດສະໜາບິນ, ທ່ານນາຍົກລັດຖະມົນຕີ ຫງວຽນຊວນຟຸກ ແລະ ຄະນະຜູ້ແທນໄດ້ເດີນທາງຈາກ Zurich, ໄປຍັງ Davos ເລີ່ມຕົ້ນບັນດາການເຄື່ອນໄຫວທຳອິດໃນຂອບເຂດການເຂົ້າຮ່ວມ WEF Davos 2019.
ແລະກໍ່ໃນວັນດຽວກັນ, ທ່ານນາຍົກລັດຖະມົນຕີ ຫວຽດນາມ ຫງວຽນຊວນຟຸກ ໄດ້ມີການພົບປະກັບທ່ານນາຍົກລັດຖະມົນຕີ ເນປານ K.P. Sharma Oli. ທີ່ການພົບປະ, ທ່ານນາຍົກລັດຖະມົນຕີ ຫງວຽນຊວນຟຸກ ໄດ້ຂອບໃຈ ເນປານ ທີ່ໄດ້ສະໜັບສະໜູນ ຫວຽດນາມ ອອກສະໝັກເລືອກຕັ້ງເປັນກຳມະການບໍ່ປະຈຳການສະພາຄວາມໝັ້ນຄົງສະຫະປະຊາຊາດອາຍຸການ 2020 – 2021.