ທ່ານນາຍົກລັດຖະມົນຕີຫງວຽນຊວນຟຸກເຈລະຈາກັບທ່ານນາຍົກລັດຖະມົນຕີສປປລາວທອງລຸນ ສີສຸລິດ
ການເຈລະຈາລະຫວ່າງທ່ານນາຍົກລັດຖະມົນຕີ ຫງວຽນຊວນຟຸກ ແລະ ທ່ານນາຍົກລັດຖະມົນຕີ ສປປ ລາວ ທອງລຸນ ສີສຸລິດ
ພາບ:VGP
|
(VOVworld)- ວັນທີ 26/4, ໃນການຢ້ຽມຢາມ ສປປ ລາວ ຢ່າງເປັນທາງການ, ທ່ານນາຍົກລັດຖະມົນຕີ ຫງວຽນຊວນຟຸກ ໄດ້ເຈລະຈາກັບ ທ່ານນາຍົກລັດຖະມົນຕີ ສປປ ລາວ ທອງລຸນ ສີສຸລິດ. ສອງຝ່າຍ ໄດ້ມີຄວາມປິຕິຊົມຊື່ນຕໍ່ການພັດທະນາອັນດີງາມຂອງການພົວພັນແບບພິເສດ ຫວຽດນາມ - ລາວ ໃນໄລຍະຜ່ານມາ. ສອງຝ່າຍເຫັນດີ: ໃນໄລຍະຈະມາເຖິງ ຈະສືບຕໍ່ປະຕິບັດບັນດາຂໍ້ຕົກລົງຂັ້ນສູງ. ໃນການຊີ້ນຳບໍລິຫານ, ລັດຖະບານ ສອງປະເທດ ຈະມີການກຳນົດທິດຍາວນານ ເພື່ອແນໃສ່ນຳການພົວພັນລະຫວ່າງສອງປະເທດໃຫ້ພັດທະນາແບບຍືນຍົງ, ການເຕີບໂຕເສດຖະກິດການຄ້າຕິດພັນກັບການຮັບປະກັນຊີວິດສັງຄົມ. ນາຍົກລັດຖະມົນຕີທັງສອງທ່ານ ໄດ້ເຫັນດີ ຊຸກຍູ້ການແລກປ່ຽນດ້ານວັດທະນະທຳ, ການພົວພັນແລກປ່ຽນປະຊາຊົນ, ສົມທົບກັນຈັດຕັ້ງບັນດາການເຄື່ອນໄຫວສະເຫລີມສະຫລອງ 55 ປີແຫ່ງວັນສ້າງຕັ້ງການພົວພັນທາງການທູດ ແລະ 40 ປີແຫ່ງວັນລົງນາມໃນສົນທິສັນຍາມິດຕະພາບ ແລະ ການຮ່ວມມື ຫວຽດນາມ - ລາວ ຢ່າງແທດຈິງ, ມີປະສິດທິຜົນ. ສອງຝ່າຍໄດ້ເນັ້ນຫນັກເຖິງຄວາມສຳຄັນຂອງການຮັກສາສັນຕິພາບ, ສະຖຽນລະພາບ ແລະ ຮັບປະກັນຄວາມໝັ້ນຄົງ, ຄວາມປອດໄພ, ຄວາມເສລີໃນການເດີນທະເລ, ການບິນ ຢູ່ທະເລຕາເວັນອອກ, ແກ້ໄຂການຂັດແຍ້ງໂດຍສັນຕິວິທີ ບົນພື້ນຖານກົດໝາຍສາກົນ, ໃນນັ້ນ ມີສົນທິສັນຍາ ສປຊ ກ່ຽວກັບກົດໝາຍທະເລປີ 1982 ພ້ອມກັບບັນດາຝ່າຍປະຕິບັດການປະພຶດຂອງບັນດາຝ່າຍຢູ່ ທະເລຕາເວັນອອກ ຢ່າງຄົບຖ້ວນ ແລະ ມີປະສິດທິຜົນ ແລະ ສ້າງກົດແຫ່ງການປະພຶດຂອງບັນດາຝ່າຍຢູ່ທະເລຕາເວັນອອກໃຫ້ສຳເລັດໂດຍໄວ.
ພາຍຫລັງການເຈລະຈາ, ນາຍົກລັດຖະມົນຕີທັງສອງທ່ານ ໄດ້ພົບປະກັບນັກຂ່າວ. ກ່າວຄຳເຫັນນະທີ່ນີ້, ທ່ານນາຍົກລັດຖະມົນຕີ ຫງວຽນຊວນຟຸກ ເນັ້ນຫນັກຄວາມສຳຄັນຂອງການຢ້ຽມຢາມ ສປປ ລາວຄັ້ງນີ້:
“ພວກຂ້າພະເຈົ້າໄດ້ດຳເນີນການເຈລະຈາກັບທ່ານນາຍົກລັດຖະມົນຕີ ທອງລຸນ ສີສຸລິດ ປະສົບຜົນສຳເລັດ. ສອງຝ່າຍໄດ້ປຶກສາຫາລືບັນດາມາດຕະການລະອຽດທີ່ສຸດ ເພື່ອປະຕິບັດບັນດາແຜນນະໂຍບາຍຊື່ງສອງພັກ, ສອງລັດ ໄດ້ວາງອອກໃຫ້ເປັນຢ່າງດີ, ໃນນັ້ນ ໄດ້ລົງນາມໃນສັນຍາ 9 ສະບັບ ແລະ ບັນດາຂໍ້ຕົກລົງສຳຄັນເພື່ອເປັນພື້ນຖານໃຫ້ແກ່ການຜັນຂະຫຍາຍແຜນການໃນໄລຍະຈະມາເຖິງ. ພ້ອມກັນນັ້ນ ພວກຂ້າພະເຈົ້າກໍໍ່ມີບັນດາມາດຕະການລະອຽດກວ່າອີກ ເພື່ອປະຕິບັດວຽກງານຊື່ງຄະນະກຳມະການລະຫວ່າງລັດຖະບານໄດ້ ປຶກສາຫາລືໃຫ້ເປັນຢ່າງດີ ເພື່ອນຳການເຄື່ອນໄຫວຂອງຄະນະກຳມະການກໍຄືການຮ່ວມມື ລາວ - ຫວຽດນາມ, ຫວຽດນາມ - ລາວ ມີປະສິດທິຜົນ, ແທດຈິງ, ປະກອບສ່ວນເຂົ້າໃນການພັດທະນາລວມຂອງສອງປະເທດຫວຽດນາມ - ລາວ.”