ທ່ານນາຍົກລັດຖະມົນຕີຫງວຽນເຕີນຢູງມອບຂອງຂວັນ
ໃຫ້ແກ່ຜູ້ຕາງຫນ້າສະມາຄົມຊາວຫວຽດນາມ
ອາໄສຢູ່ລາວ
ພາບ:VGP
|
(vovworld)-ຕອນບ່າຍວັນທີ 25/11, ໃນການໂອ້ລົມກັບປະຊາຄົມຊາວຫວຽດນາມ ອາໄສຢູ່ລາວ,ເນື່ອງໃນໂອກາດເຂົ້າຮ່ວມກອງປະຊຸມຂັ້ນສູງເຂດສາມຫລ່ຽມພັດທະນາ ກຳປູເຈຍ-ລາວ-ຫວຽດນາມ ຄັ້ງທີ 8(CLV), ທ່ານນາຍົກລັດຖະມົນຕີ ຫງວຽນເຕີນຢູງ ແຈ້ງໃຫ້ຊາວຫວຽດນາມ ອາໄສຢູ່ລາວ ຊາບກ່ຽວກັບສະພາບການເສດຖະກິດສັງຄົມຂອງແຕ່ລະປະເທດ ຕິດພັນກັບສະພາບການສາກົນ, ແນວທາງການຕ່າງປະເທດຂອງພັກ, ລັດຖະບານຫວຽດນາມ; ສະພາບການ ແລະ ໝາກຜົນການຮ່ວມມືລົງທຶນລະຫວ່າງຫວຽດນາມ ແລະລາວ. ທ່ານນາຍົກລັດຖະມົນຕີ ຢືນຢັນ ສາຍພົວພັນມິດຕະພາບແບບພິເສດ, ການຮ່ວມມືຮອບດ້ານຫວຽດນາມ-ລາວ ແມ່ນມີລັກສະນະສະເຫມີຕົ້ນສະເຫມີປາຍ, ໃນນັ້ນບົດບາດຂອງປະຊາຄົມຊາວຫວຽດນາມ ອາໄສຢູ່ ລາວແມ່ນສຳຄັນທີ່ສຸດ. ທ່ານນາຍົກລັດຖະມົນຕີ ຫງວຽນເຕີນຢູງ ເນັ້ນຫນັກວ່າ:
“ການປະກອບສ່ວນຂອງຊາວຫວຽດນາມ ອາໄສຢູ່ຕ່າງປະເທດທີ່ມີຕໍ່ພາຍໃນປະເທດ ບໍ່ພຽງແຕ່ແມ່ນວັດຖຸເຄື່ອງຂອງເທົ່ານັ້ນ ຫາກນັບທັງດ້ານຈິດໃຈອີກດ້ວຍ. ຊາວຫວຽດນາມ ອາໄສຢູ່ລາວ ປະຕິບັດກົດໝາຍຂອງລາວເປັນຢ່າງດີ, ທຳມາຫາກິນດຳລົງຊີວິດເປັນຢ່າງດີ, ປະກອບສ່ວນເຂົ້າໃນນ້ຳໃຈມິດຕະພາບກັບປະຊາຊົນລາວ. ຜ່ານນັ້ນເຂົາເຈົ້າຈະເຂົ້າໃຈຕື່ມອີກກ່ຽວກັບ ກ່ຽວກັບປະເທດຊາດແລະຊາວຫວຽດນາມ, ເພີ່ມຄວາມໄວ້ເນື້ອເຊື່ອໃຈເຊິ່ງກັນ ແລະ ກັນລະຫວ່າງສອງຊາດ, ສອງປະເທດ.”
Quoc Khanh ນັກຂ່າວ VOV ປະຈຳລາວ