ທ່ານປະທານປະເທດເຈືອງເຕີນຊາງເຂົ້າຮ່ວມກອງປະຊຸມໃຫຍ່ແຂ່ງຂັນຮັກຊາດຂອງນະຄອນໂຮ່ຈິມີນ
ທ່ານປະທານປະເທດ ຫວຽດນາມ ເຈືອງເຕີນຊາງ ກ່າວຄຳເຫັນ
ທີ່ກອງປະຊຸມ
|
(vovworld)-ຕອນເຊົ້າວັນທີ 4/7, ອຳນາດການປົກຄອງນະຄອນໂຮ່ຈິມີນ ໄດ້ຈັດຕັ້ງກອງປະຊຸມໃຫຍ່ແຂ່ງຂັນຮັກຊາດຄັ້ງທີ 6. ທ່ານປະທານປະເທດ ຫວຽດນາມ ເຈືອງເຕີນຊາງ, ທ່ານຮອງນາຍົກລັດຖະມົນຕີ ຫງວຽນຊວນຟຸກ, ທ່ານນາງ ຮອງປະທານສະພາແຫ່ງຊາດ ຫງວຽນທິກີມເງິນ ໄດ້ເຂົ້າຮ່ວມ. ກ່າວຄຳເຫັນທີ່ກອງປະຊຸມ, ທ່ານປະທານປະເທດ ເຈືອງເຕີນຊາງ ຍ້ອງຍໍບັນດາຄວາມມານະພະຍາຍາມຂອງນະຄອນ ໂຮ່ຈິມີນ ມີຫົວຄິດປະດິດສ້າງ, ຍູ້ແຮງບັນດາຂະບວນການແຂ່ງຂັນຮັກຊາດ, ສົມກັບທ້ອງຖິ່ນນຳນຫນ້າຂອງທົ່ວປະເທດໃນຫລາຍຂົງເຂດ. ທ່ານປະທານປະເທດ ເນັ້ນຫນັກວ່າ:
“ສະເຫນີອົງຄະນະພັກທຸກຂັ້ນ, ອຳນາດການປົກຄອງ, ຄະນະ, ອົງການຈັດຕັ້ງມະຫາຊົນຂອງນະຄອນ ໂຮ່ຈິມີນ ສືບຕໍ່ຊາບຊືມແນວຄິດກ່ຽວກັບການແຂ່ງຂັນຮັກຊາດຂອງປະທານໂຮ່ຈິມີນ, ເພີ່ມທະວີການໂຄສະນາ, ຂົນຂວາຍສະມາຊິກພັກ, ປະຊາຊົນເປັນຈຳນວນຫລວງຫລາຍເຂົ້າຮ່ວມຕັ້ງຫນ້າຂະບວນການແຂ່ງຂັນຮັກຊາດ.”