ທ່ານເລຂາທິການໃຫຍ່ຫງວຽນຟຸຈ້ອງ ຢ້ຽມຢາມ ແລະ ເຮັດວຽກຢູ່ແຂວງ ແທງຮ໋ວາ
ທ່ານເລຂາທິການໃຫຍ່ ຫງວຽນຟຸຈ້ອງ
ເຮັດວຽກຢູ່ແຂວງ ແທງຮ໋ວາ
(ພາບ: qdnd.vn)
(vovworld) – ໃນຂອບເຂດການຢ້ຽມຢາມ ແລະ ເຮັດວຽກຢູ່ແຂວງແທງຮ໋ວາ, ຕອນເຊົ້າວັນທີ 01/08, ທ່ານເລຂາທິການໃຫຍ່ຄະນະບໍລິຫານງານສູນກາງພັກກອມມູນິດຫວຽດນາມ ຫງວຽນຟຸຈ້ອງ ໄດ້ລົງຢ້ຽມຢາມ ແລະ ເຮັດວຽກຢູ່ເຂດເສດຖະກິດ ງີເຊີນ.
ກ່າວຄຳເຫັນຢູ່ທີ່ນີ້, ທ່ານເລຂາທິການໃຫຍ່ ຫງວຽນຟຸຈ້ອງ ໄດ້ຍ້ອງຍໍ ແລະ ຕີລາຄາສູງຄວາມມານະພະຍາຍາມຂອງແຂວງແທງຮ໋ວາ, ຂອງບັນດາພະນັກງານ, ນັກວິສາວະກອນ, ຜູ້ຊ່ຽວຊານ ແລະ ກຳມະກອນທີ່ໄດ້ປະກອບສ່ວນເຂົ້າໃນການສ້າງບັນດາກິດຈະກຳ, ໂຮງງານຂຶ້ນກັບເຂດເສດຖະກິດງີເຊີນ. ຕາມທ່ານເລຂາທິການໃຫຍ່ແລ້ວ, ກົມການເມືອງ ແລະ ສູນກາງໄດ້ຕີລາຄາວ່າ ເຂດເສດຖະກິດງີເຊີນ ແມ່ນໜຶ່ງໃນບັນດາເຂດເສດຖະກິດແຄມທະເລຈຸດສຸມຂອງທົ່ວປະເທດ, ສ້າງກຳລັງໜູນໃຫ້ແກ່ການພັດທະນາຂອງແຂວງແທງຮ໋ວາ ແລະ ເຂດທິດເໜືອພາກກາງ ຕາມທິດຫັນປະເທດຊາດເປັນປະເທດອຸດສາຫະກຳ ແລະ ທັນສະໄໝດ້ວຍຫຼາຍຂະແໜງ, ຂົງເຂດ. ທ່ານເລຂາທິການໃຫຍ່ ປາດຖະໜາວ່າ ແຂວງແທງຮ໋ວາ ຈະສ້າງເງື່ອນໄຂເພື່ອໃຫ້ເຂດເສດຖະກິດງີເຊີນ ພັດທະນາຢ່າງໄວ, ໝັ້ນຄົງ, ບັນລຸປະສິດທິຜົນສູງເທື່ອລະກ້າວ, ຈາກນັ້ນສ້າງຄວາມບຸກທະລຸເພື່ອປະກອບສ່ວນເຂົ້າໃນການພັດທະນາລວມຂອງປະເທດຊາດ.