(ພາບປະກອບ) |
(vovworld)- ວັນທີ 25/5, ຢູ່ຮ່າໂນ້ຍໄດ້ດຳເນີນກອງປະຊຸມຄັ້ງທີ 7 ກົນໄກ ທາມທາມການເມືອງຂັ້ນລັດຖະມົນຕີຊ່ວຍວ່າການກະຊວງການຕ່າງປະເທດ ແລະ ກອງປະຊຸມຄັ້ງທີ 4 ກົນໄກສົນທະນາຍຸດທະສາດຫວຽດນາມ - ອິນເດຍ. ຄະນະຜູ້ແທນຫວຽດນາມ ໂດຍທ່ານ ລັດຖະມົນຕີຊ່ວຍວ່າການກະຊວງການຕ່າງປະເທດ ເລຮ່ວາຍຈຸງ ເປັນຫົວໜ້າຄະນະ, ທາງຝ່າຍອິນເດຍ ໂດຍທ່ານລັດຖະມົນຕີຊ່ວຍວ່າການກະຊວງການຕ່າງປະເທດ Anil Wadhwa ເປັນຫົວໜ້າຄະນະ. 2 ຝ່າຍໄດ້ເປັນເອກະສັນກັນເພີ່ມທະວີບັນດາການເຄື່ອນໄຫວຄະນະຜູ້ແທນຂັ້ນຕ່າງໆ, ເຫັນດີຍູ້ແຮງບັນດາມາດຕະການເພື່ອບັນລຸວົງເງິນການຄ້າ 2 ຝ່າຍ 15 ຕື້ USD ໃນປີ 2020; ເພີ່ມທະວີການຮ່ວມມືໃນທຸກຂົງເຂດ, ເປັນຕົ້ນແມ່ນບັນດາຂົງເຂດທີ່ເປັນເສົາຄ້ຳຂອງການພົວພັນຄູ່ຮ່ວມມືຍຸດທະສາດຄື ການເມືອງ, ເສດຖະກິດ, ການປ້ອງກັນຊາດ, ປ້ອງກັນຄວາມສະຫງົບ, ວັດທະນະທຳ, ການສຶກສາ.
ທີ່ການສົນທະນາຍຸດທະສາດ, 2 ຝ່າຍໄດ້ແລກປ່ຽນຢ່າງເລິກເຊິ່ງກ່ຽວກັບບັນດາບັນຫາພາກພື້ນ ແລະ ສາກົນທີ່ຕ່າງຝ່າຍຕ່າງມີຄວາມສົນໃຈ. ກ່ຽວກັບບັນຫາທະເລຕາເວັນອອກ, ອິນເດຍເຫັນດີສືບຕໍ່ສະໜັບສະໜູນຫຼັກໝັ້ນລວມຂອງຫວຽດນາມ ແລະ ອາຊຽນ, ສະໜັບສະໜູນການແກ້ໄຂການຂັດແຍ້ງໂດຍສັນຕິວິທີບົນພື້ນຖານເຄົາລົບກົດໝາຍສາກົນ, ປະຕິບັດ DOC ຢ່າງຄົບຖ້ວນ, ກ້າວໄປເຖິງການສ້າງປະມວນຂໍ້ກຳນົດ COC ໂດຍໄວ. ອິນເດັຍຍັງຢືນຢັນຈະສືບຕໍ່ຮ່ວມມືກັບຫວຽດນາມຂຸດຄົ້ນນ້ຳມັນຢູ່ບໍລິເວນທະເລຂອງຫວຽດນາມ.