ນັກຮຽນທຸກຍາກ ແຕ່ຮຽນເກັ່ງ 181 ຄົນ
ໄດ້ຮັບລາງວັນ ຫງວຽນດຶກແກງ
(ພາບ: sggp.org.vn) (vovworld) - ຕອນເຊົ້າວັນທີ 30/7, ສະຫະພັນແຮງງານນະຄອນ ໂຮ່ຈີມິນ ໄດ້ມອບທຶນສຶກສາ ຫງວຽນດຶກແກງ 181 ພູດ, ດ້ວຍຍອດມູນຄ່າ 300 ລ້ານກວ່າດົ່ງ ເພື່ອຊ່ວຍໃຫ້ບັນດານັກຮຽນພິການ, ນັກຮຽນປະສົບກັບຄວາມທຸກຍາກ ແຕ່ໄດ້ຜ່ານຜ່າຄວາມຫຍຸ້ງຍາກ, ມານະພະຍາຍາມໃນການຮຳ່ຮຽນ, ບືນຕົວຂຶ້ນໃນການດຳລົງຊີວິດ. ບັນດານັກຮຽນໄດ້ຮັບທຶນສຶກສາໃນຄັ້ງນີ້ ແມ່ນແບບຢ່າງຜ່ານຜ່າຄວາມຫຍຸ້ງຍາກ, ເຕັມໄປດ້ວຍມານະຈິດໃນການຮຳ່ຮຽນ, ດຸໝັ່ນ, ກະຕັນຍູ. ທຶນສຶກສາແຕ່ລະພູດມີມູນຄ່າແຕ່ 1,2 ລ້ານດົ່ງ ເຖິງ 3 ລ້ານດົ່ງ, ເພື່ອແນໃສ່ລະດົມກຳລັງໃຈ, ສ້າງກຳລັງໜູນດ້ານຈິດໃຈ ຊ່ວຍໃຫ້ພວກນ້ອງສືບຕໍ່ແກ້ໄຂຄວມຫຍຸ້ງຍາກ, ບືນຕົວຂຶ້ນ ກາຍເປັນພົນລະເມືອງທີ່ດີຂອງສັງຄົມ. ນ້ອງ ຫງວຽນມາຍເຟືອງ, ນັກຮຽນຜູ້ໜຶ່ງໄດ້ຮັບທຶນສຶກສາໃນຄັ້ງນີ້, ເວົ້າດ້ວຍຄວາມຕື້ນຕັນໃຈວ່າ:
“ທຶນສຶກສານີ້ຈະຊ່ວຍໃຫ້ບັນດານັກຮຽນ, ນັກສຶກສາຄືນ້ອງຫຼາຍທີ່ສຸດ ເພື່ອມີເງື່ອນໄຂສືບຕໍ່ຮຳ່ຮຽນ. ຫວັງວ່າໃນໄລຍະຈະມາເຖິງ, ຈະມີຫຼາຍຫົວໜ່ວຍໃຫ້ການຊ່ວຍເຫຼືອຄືແນວນີ້, ເພື່ອສ້າງເງື່ອນໄຂໃຫ້ບັນດານັກຮຽນມານະພະຍາຍາມຮຳ່ຮຽນ, ບືນຕົວຂຶ້ນໃນການດຳລົງຊີວິດ“.
ຜ່ານ 22 ປີແຫ່ງການເຄື່ອນໄຫວ, ລາຍການທຶນສຶກສາ ຫງວຽນດຶກແກງ ໄດ້ມີຂອງຂວັນ ແລະ ທຶນສຶກສາກວ່າ 21.000 ພູດ, ດ້ວຍຍອດຈຳນນວນທຶນເກືອບ 11 ຕື້ດົ່ງ ເພື່ອມອບໃຫ້ລູກຫຼານຊາວຜູ້ອອກແຮງງານ.