(vovworld) – ຕອນຄໍ່າວັນທີ 26/02, ນະຄອນຮ່າໂນ້ຍ ໄດ້ຈັດພິທີສະເຫຼີມສະຫຼອງວັນແພດໝໍຫວຽດນາມ, 60 ປີແຫ່ງການສ້າງຕັ້ງຂະແໜງສາທາລະນະສຸກນະຄອນຫຼວງ ແລະ ຮັບຫຼຽນໄຊແຮງງານຊັ້ນໜຶ່ງ ຄັ້ງທີ 2. ທ່ານນາງຮອງປະທານປະເທດຫວຽດນາມ ຫງວຽນທິຢວານ ເຂົ້າຮ່ວມ ແລະ ມອບຫຼຽນໄຊໃຫ້ຂະແໜງສາທາລະນະສຸກນະຄອນຫຼວງ. ກ່າວຄຳເຫັນທີ່ພິທີສະເຫຼີມສະຫຼອງ, ທ່ານນາງລັດຖະມົນຕີວ່າການກະຊວງສາທາລະນະສຸກຫວຽດນາມ ຫງວຽນທິກິມຕ໋ຽນ ຮຽກຮ້ອງໃຫ້ພະແນກສາທາລະນະສຸກຮ່າໂນ້ຍ ສືບຕໍ່ຜັນຂະຫຍາຍບັນດາມາດຕະການຍົກສູງຄຸນນະພາບການກວດ, ປິ່ນປົວພະຍາດເຮັດໃຫ້ຄົນເຈັບພຶງພໍໃຈ. ນອກຈາກນັ້ນ, ພະແນກສາທາລະນະສຸກຮ່າໂນ້ຍ ຕ້ອງຍູ້ແຮງການນຳໃຊ້ບັນດາເຕັກນິກໃຫ້ທຽບເທົ່າກັບບັນດາໂຮງໝໍສູນກາງ; ປັບປຸງ, ພັດທະນາເຄືອຂ່າຍສາທາລະນະສຸກຂັ້ນຮາກຖານໃຫ້ສຳເລັດ…
ກ່ອນໜ້ານັ້ນ, ຕອນບ່າຍວັນທີ 26/02, ສະຫະພັນຊາວໜຸ່ມນະຄອນຮ່າໂນ້ຍ ໄດ້ສົມທົບກັບສະມາຄົມແພດໝໍໜຸ່ມນະຄອນຮ່າໂນ້ຍ ຈັດຕັ້ງການຜັນຂະຫຍາຍໜ້າທີ່ວຽກງານປີ 2015 ແລະ ສະຫຼຸບການເຄື່ອນໄຫວ “ນ້ຳໃຈຮ່າໂນ້ຍ” ຢູ່ບັນດາໂຮງໝໍ. ດ້ວຍຫົວຂໍ້ “ສະມາຄົມແພດໝໍໜຸ່ມນະຄອນຫຼວງຮໍ່າຮຽນ ແລະ ປະຕິບັດຕາມຄຳສັ່ງສອນຂອງປະທານໂຮ່ຈິມິນ, ອາສາສະໝັກເພື່ອຊີວິດສັງຄົມ” ປີ 2015, ສະມາຄົມແພດໝໍໜຸ່ມນະຄອນຮ່າໂນ້ຍ ສືບຕໍ່ຈັດຕັ້ງບັນດາຂະບວນການແຂ່ງຂັນຢ່າງແທດຈິງ, ມີປະສິດທິຜົນ ເພື່ອຊົມເຊີຍກອງປະຊຸມໃຫຍ່ຂອງພັກທຸກຂັ້ນ ກ້າວໄປເຖິງກອງປະຊຸມໃຫຍ່ຜູ້ແທນອົງຄະນະພັກນະຄອນຮ່າໂນ້ຍ ຄັ້ງທີ 16…