(vovworld) – ຕອນເຊົ້າວັນທີ 26/07, ສະຫະພັນແຮງງານນະຄອນໂຮ່ຈິມິນ ໄດ້ຈັດພິທີສະເຫຼີມສະຫຼອງ 85 ປີແຫ່ງວັນສ້າງຕັ້ງກຳມະບານຫວຽດນາມ. ທີ່ພິທີ, ການນຳນະຄອນໄດ້ຕີລຄາສູງບັນດາຄວາມມານະພະຍາຍາມຂອງອົງການຈັດຕັ້ງກຳມະບານ, ຊົນຊັ້ນກຳມະກອນນະຄອນ ໃນການຮັກສາ ແລະ ເສີມຂະຫຍາຍຄຸນນະທາດ, ມູນເຊື້ອອັນສະຫງ່າລາສີຂອງຊົນຊັ້ນກຳມະກອນຫວຽດນາມ. ໃນນັ້ນ ມີກຳມະບານຂັ້ນຮາກຖານໄດ້ມີບັນດາບັນດາມາດຕະການທີ່ມີຫົວຄິດປະດິດສ້າງຢ່າງຕັ້ງໜ້າ, ແທດຈິງ ປະກອບສ່ວນສ້າງການພົວພັນກດ້ານແຮງງານຢ່າງສົມເຫດສົມຜົນ, ໝັ້ນຄົງ ແລະ ກ້າວໜ້າໃນວິສາຫະກິດ. ທ່ານນາງ ຫງວຽນທິທູ, ປະທານສະຫະພັນແຮງງານນະຄອນໂຮ່ຈິມິນ ໃຫ້ຮູ້ວ່າ.
“ໃນໄລຍະຈະມາເຖິງ, ເພື່ອສ້າງກຳມະບານທຸກຈັ້ນໃຫ້ໝັ້ນຄົງ, ເຂັ້ມແຂງ ພວກຂ້າພະເຈົ້າຈະມີແຜນການລົງທຶນ, ບຳລຸງສ້າງໃຫ້ຖັນແຖວພະນັກງານຂອງຕົນ ໃນນັ້ນມີການບຳລຸງສ້າງຄວາມສາມາດຈັດຕັ້ງການເຄື່ອນໄຫວເຫດການ. ພິເສດໃນການເຄື່ອນໄຫວ, ພວກຂ້າພະເຈົ້າຈະປະຕິບັດຢ່າງໃກ້ຊິດກັບຮາກຖານກວ່າ, ພະຍາຍາມໃຫ້ເໝາະສົມກັບສິດຂອງກຳມະກອນ, ພາລະກອນ ແລະ ຄົນງານກວ່າ.”