ນະຄອນໂຮ່ຈີມິນກຽມພ້ອມສ້າງເງື່ຶອນໄຂສະດວກໃຫ້ບັນດານັກລົງທຶນຈາກຕ່າງປະເທດ
ພາບປະກອບ
|
(vovworld) – ນະຄອນ ໂຮ່ຈີມິນ ກຽມພ້ອມສ້າງເງື່ຶອນໄຂສະດວກໃຫ້ບັນດານັກລົງທຶນຈາກຕ່າງປະເທດ - ນີ້ແມ່ນຄຳຢັ້ງຢືນຂອງທ່ານ ຫງວຽນແທ່ງລອງ, ປະທານຄະນະກຳມະການປະຊາຊົນນະຄອນ ໂຮ່ຈີມິນ ທີ່ການຕ້ອນຮັບທ່ານ David Puttnam, ທູດພິເສດຂອງນາຍົກລັດຖະມົນຕີ ອັງກິດ ກ່ຽວກັບການຄ້າ ຫວຽດນາມ, ລາວ, ກຳປູເຈຍ ແລະ ມຽນມາ, ເນື່ອງໃນໂອກາດມາຢ້ຽມຢາມ ແລະ ເຮັດວຽກຢູ່ ຫວຽດນາມ ໃນຕອນບ່າຍວັນທີ 3/3. ທ່ານ ຫງວຽນແທ່ງລອງ ຖືວ່າ: ການຢ້ຽມຢາມຄັ້ງນີ້ເພື່ອຮັດແໜ້ນການພົວພັນຄູ່ຮ່ວມມືລະຫວ່າງປະເທດ ຫວຽດນາມ ແລະ ລາຊະອານາຈັກ ອັງກິດ, ພ້ອມທັງຂອບອົກຂອບໃຈການໜູນຊ່ວຍ, ເຊື່ອເຫຼືອຂອງ ລາຊະອານາຈັກ ອັງກິດ ທີ່ມີຕໍ່ ຫວຽດນາມ ເວົ້າລວມ ແລະ ນະຄອນ ໂຮ່ຈີມິນ ເວົ້າສະເພາະໃນຫຼາຍຂົງເຂດ. ທ່ານ ຫງວຽນແທ່ງຟອງ ຢັ້ງຢືນວ່າ: ນະຄອນ ໂຮ່ຈີມິນ ລໍຄອຍບັນດາຄູ່ຮ່ວມມືຈາກລາຊະອານາຈັກ ອັງກິດ, ພິເສດໃນສະພາບທີ່ສັນຍາການຄ້າເສລີ ຫວຽດນາມ - ອີຢູ ໄດ້ຮັບການລົງນາມ.
ສ່ວນທ່ານ David Puttnam ກໍ່ຖືວ່າ: ເພື່ອປະຕິບັດສຳເລັດບັນດາໂຄງການກ່ຽວກັບພື້ນຖານໂຄງລ່າງໂດຍໄວ, ນະຄອນ ໂຮ່ຈີມິນ ຄວນເອົາໃຈໃສ່ເຖິງເຕັກໂນໂລຢີທີ່ກ້າວໜ້າ, ທັນສະໄໝໃນອະນາຄົດ, ເຊິ່ງອັງກິດແມ່ນຄູ່ຮ່ວມມືທີ່ເຕັມໄປດ້ວຍຄວາມສາມາດບົ່ມຊ້ອນ. ດ້ວຍທ່າແຮງແມ່ນບັນດາວິສາຫະກິດໜຸ່ມບວກກັບບົດຮຽນ ແລະ ເຕັກໂນໂລຢີທີ່ກ້າວໜ້າ, ແນ່ນອນວ່າບັນດາໂຄງການກ່ຽວກັບພື້ນຖານໂຄງລ່າງຂອງນະຄອນ ໂຮ່ຈີມິນ ຈະໄດ້ຮັບການປັບປຸງສຳເລັດໂດຍໄວ.