ນາຍົກລັດຖະມົນຕີ ຫງວຽນເຕີນຢຸງ ເຂົ້າຮ່ວມລາຍການພົບປະແລກປ່ຽນສິລະປະ “ເສັ້ນທາງເງິນຕາ”
ທ່ານນາຍົກລັດຖະມົນຕີ ຫງວຽນເຕີນຢຸງ ເຂົ້າຮ່ວມລາຍການ
ພົບປະແລກປ່ຽນສິລະປະ “ເສັ້ນທາງເງິນຕາ”
(ພາບ: chinhphu.vn)
(vovworld) – ລາຍການພົບປະແລກປ່ຽນສະແດງສິລະປະ “ເສັ້ນທາງເງິນຕາ” ຖືກດຳເນີນໄປໃນຕອນຄໍ່າວັນທີ 17/04, ຢູ່ຫໍປະຊຸມທົ໋ງວເຍີດ, ນະຄອນໂຮ່ຈິມິນ. ນີແມ່ນຄັ້ງທຳອິດຈັດລາຍການມີຫົວຂໍ້ກ່ຽວກັບ “ເສັ້ນທາງເງິນຕາ” ໄດ້ວາດພາບຄືນຜ່ານບັນດາເລື່ອງລາວປະຫວັດສາດ ກ່ຽວກັບການເຄື່ອນໄຫວການເງິນທະນາຄານ ໃນໄລຍະສົງຄາມ.
ກ່າວຄຳເຫັນທີ່ພິທີ, ທ່ານນາຍົກລັດຖະມົນຕີ ຫງວຽນເຕີນຢຸງ ໄດ້ຕີລາຄາສູງ ແລະ ຍ້ອງຍໍບັນດາການອຸທິດສ່ວນຂອງພະນັກງານທະນະຄານລຸ້ນຕ່າງໆ ໃນພາລະກິດຕໍ່ສູ້ຍາດເອົາເອກະລາດມາໃຫ້ປະເທດຊາດ, ທ້ອນໂຮມປະເທດຊາດເປັນເອກະພາບ ກໍ່ຄືໃນວິວັດການສ້າງສາ ແລະ ພັດທະນາຄືປະຈຸບັນ. ທ່ານນາຍົກລັດຖະມົນຕີ ຫງວຽນເຕີນຢຸງ ເຊື່ອໝັ້ນວ່າ, ໃນໄລຍະຈະມາເຖິງ, ໝູ່ຄະນະ, ການນຳ, ລັດຖະກອນ, ພາລະກອນຂະແໜງທະນາຄານ ຈະມານະພະຍາຍາມສູ້ຊົນຫຼາຍກວ່າອີກ ເພື່ອນຳລະບົບທະນາຄານພັດທະນາຢ່າງວ່ອງໄວ, ຮອບດ້ານ, ມີປະສິດທິຜົນ, ປອດໄພ, ໝັ້ນຄົງ, ເຊື່ອມໂຍງຢ່າງສຳເລັດຜົນ, ປະກອບສ່ວນຢ່າງຕັ້ງໜ້າເຂົ້າໃນພາລະກິດສ້າງສາ ແລະ ປົກປັກຮັກສາປະເທດຊາດໃນໄລຍະໃໝ່.